Фавқулодда вазиятлар вазирлиги 20 ноябрь куни Андижон шаҳрида содир бўлган йирик ёнғин юзасидан маълумот берди.
Таъкидланишича, 20 ноябрь куни соат 21:09 да Андижон шаҳри 3-кичик даҳасида ёнғин содир бўлаётгани тўғрисида вилоят ФВБга хабар келиб тушган. Шунга кўра 12 та ёнғин-қутқарув экипажи соат 21:18 да воқеа жойига етиб бориб, ёнғин соат 21:40 да қуршаб олинган. Вазият тўлиқ назоратга олинган. Дастлабки маълумотларга кўра, ёнғин оқибатида тан жароҳати олиш ва ҳалок бўлиш ҳолатлари қайд этилмаган. Ҳодиса юзасидан қўшимча маълумот тақдим этилади.
Вилоят ҳокимлиги хабарига кўра, мазкур ҳолат назоратга олиниб, вилоят ҳокими бошчилигидаги ишчи гуруҳ ҳамда ФВВ вилоят бошқармаси ўт ўчириш гуруҳи томонидан тезкор бартараф этиш чоралари кўрилмоқда.
Изоҳ (0)