Сирдарё вилоятининг Ховос туманида янги иссиқлик электр станцияси ишга туширилди.
Энергетика вазирлиги матбуот хизматининг хабар қилишича, Туркиянинг Cengiz Enerji компанияси томонидан қурилган, қуввати 220 МВт бўлган янги газ-поршенли иссиқлик электр станцияси 20 ноябрь куни Ўзбекистоннинг ягона электр тармоғига қувват узатишни бошлади.
Мазкур электр станция йилига 1,7 миллиард кВт-соат электр энергияси ишлаб чиқаради.
Станцияда ўрнатилган қурилмаларнинг фойдали иш коэффициенти юқорилиги ҳисобига йилига 150 миллион метр куб табиий газ тежалади. Тежалган табиий газ билан қўшимча 685 млн кВт-соат электр энергияси ишлаб чиқариш имкони яратилади.
Ушбу ИЭС қурилиши баҳорда бошланган эди. 2022 йилнинг 29 мартида Ўзбекистон ва Туркия президентлари томонидан мазкур электр станция қурилишига старт берилган эди.
Мавзуга доир:
Изоҳ (0)