«Табиб» фильми орқали барчага таниш бўлган Анна Димна айнан Мариса роли туфайли машҳурликка эришган, деб ёзади «Киноафиша».
Димна фамилияси эса унинг ҳаётига катта таъсир кўрсатган польшалик актёр — биринчи турмуш ўртоғига тегишли экани кўпчиликка номаълум. Анна Дзядик болалигидан актриса бўлишни орзу қилган ва театр мактабини тугатгач, Краковдаги Эски театр труппасига қўшилган.
Кўп ўтмай, у ерда севгилиси Веслав Димнани учратди. Аммо жуфтликнинг бахти узоққа чўзилмади, орадан беш йил ўтгач, Анна квартирада турмуш ўртоғининг жонсиз жасадини топди. Афсуски, ўша вақтда Веславнинг спиртли ичимликлар билан жиддий муаммолари борлиги ҳақида миш-мишлар тарқалганди.
Бу ҳам етмаганидек, 27 яшар гўзал актрисанинг ҳаётига яна бир зарба берилди. Машина бошқаруви вақтида ухлаб қолган Анна бахтсиз ҳодисага учради. Актриса жиддий жароҳат олди ва том маънода юришни қайта ўрганди. Физиотерапевт Збигнев Шота унга ҳамма нарсада ёрдам берди ва тез орада шифокор ҳамда бемор ўртасидаги муносабатлар муҳаббатга айланди. Шота билан турмуш қурган Анна якка-ю ёлғиз ўғли Михаилни дунёга келтирди.
Бахтсиз ҳодисадан сўнг саломатлигини тиклаган актриса «Табиб» фильмида рол ижро этди ва шундан кейин Анна Димна машҳур актриса сифатида эътироф этилди. Аммо унинг оиласи бузилиб кетди. Йиллар ўтиб, у учинчи турмуш ўртоғи — театр режиссёри Кшиштоф Орзеховский билан учрашди.
Айни дамда Мариса 71 ёшни қарши олган. У хайрия ишлари билан шуғулланади ва ҳатто жисмоний ва ақлий заиф одамларга ёрдам берадиган жамғарма ташкил қилган. Актриса улар учун мусиқа ва театр фестивалларини уюштиради.
Димна радикулит — орқа мия нервларининг шикастланишидан азоб чекади, лекин у ўзининг асосий вазифаси сифатида одамларга ёрдам беришни унутмасликка ҳаракат қилади.
Изоҳ (0)