Кейт Миддлтон бутун дунёдаги миллионлаб аёллар учун намуна ҳисбланади. Уэльс маликаси ижтимоий соҳаларда фаол иштирок этади, уч нафар фарзандни тарбияламоқда ва ҳамиша камчиликлардан ҳоли кўринишга ҳаракат қилади. Қолаверса, сўнгги бир неча йил ичида Кетрин янада гўзаллашганини ҳам пайқаш мумкин, деб ёзади The Symbol.
Герцогиня ўзининг парвариш масаласидаги тафсилотлари билан камдан-кам ҳолларда бўлишади, аммо яқинда унинг гўзаллик борасидаги асосий сири маълум бўлди. Малика учун абадий ёшлик эликсири — энг кенг тарқалган наъматак мойидан бошқа нарса эмас. Ушбу табиий восита бутун дунёдаги косметологлар томонидан фаол қўлланилади, у узоқ вақтдан бери нафақат Кейтнинг, балки бошқа машҳур аёллар — Виктория Бекҳэм, Миранда Керр ва Кара Делевиннинг гўзаллик муолажасида ажралмас қисмга айланган.
Наъматак ёғи нимаси билан фойдали?
Наъматак ёғининг тери ёшлиги ва эластиклигини сақлаш учун фойдалари илмий жиҳатдан бир неча бор тасдиқланган. Ёш ўтиб бориши билан терининг табиий ҳимоя тўсиғи сезиларли даражада заифлашади, қуруқлик, тери кўчиши, ажин ва пигментациялар пайдо бўлади. Наъматак ва уруғлар ўз ичига олган фаол моддалар бу тўсиқни тиклайди, яллиғланиш жараёнларининг олдини олади. Энг муҳими, 20 ёшга келиб сезиларли даражада секинлашадиган коллаген ишлаб чиқаришни рағбатлантиради.
Наъматак мойи антиоксидантларга жуда бой бўлиб, организмни эркин радикалларнинг шикастланишидан ҳимоя қилиш ва қариш жараёнини секинлаштириш учун зарурдир. Ушбу мойда 4 та фаол антиоксидант бирикмалар мавжуд: флавоноидлар, C витамини ва каротиноидларнинг бир нечта навлари, улар ичилганда А ва Э витаминларига айланади.
Бундай анти-эйж ингредиэнтларини ўз ичига олган наъматак мойи қаришнинг ташқи белгиларига қарши курашда энг машҳур воситалардан бирига айлангани бежиз эмас. Ёғни қаришга қарши таъсирга эга сиворотка ва кремларнинг бир қисми сифатида мунтазам равишда ишлатиш терини намлайди ва озиқлантиради, унинг эластиклиги ва соғлом рангини тиклайди, ажинлар ва бошқа қариш белгилари пайдо бўлишининг олдини олади.
Изоҳ (0)