Amazon асосчиси ўз бойлигининг катта қисмини хайрия қилмоқчилигини маълум қилди

Дунёнинг энг бой одамларидан бири, Amazon асосчиси Жефф Безос бойлигининг катта қисмини хайрия ишларига бериш ниятида эканлигини маълум қилди. Бу ҳақда Forbes хабар бермоқда.

Бизнесменнинг бойлиги 124 миллиард долларга баҳоланмоқда, у Forbes глобал рўйхатида тўртинчи ўринда. 2021 йилги рейтингда у дунёдаги энг бой бизнесмен бўлган эди.

У сарфлашни режалаштираётган капиталнинг аниқ улушини ва пулни олувчиларни рўйхати ҳақида ахборот беришдан бош тортди.

Безоснинг таъкидлашича, у тириклигида пул хайрия қилиш ниятида, бу маблағ васият сифатида ажратилмайди.

Маълумотларга кўра, Безос яна икки миллиардер, Microsoft асосчиси Билл Гейтс ва Berkshire Hathaway бош директори Уоррен Баффет томонидан ташкил этилган The Гивинг Пледге дастурига қўшилмагани учун танқид қилинган.

Безос ўзининг Безос Earth Фунд хайрия жамғармасига эга бўлиб, тадбиркор 10 йил давомида 10 миллиард доллар хайрия қилган, бу унинг ҳозирги бойлигининг қарийб 8 фоизини ташкил этади.

Безоснинг собиқ рафиқаси Маккензи Скотт 2019 йилда The Гивинг Пледгеъга қўшилган эди. Энди у Forbes Real-Time аёллар рейтингида бешинчи ўринни эгаллаб турибди, унинг бойлиги 29,8 миллиард долларга баҳоланмоқда.

Аввалроқ Forbes энг бой америкаликлар рўйхатини эълон қилгани ҳақида хабар берилганди.