Фарғона халқаро аэропортида 14 ноябрь куни кузатилаётган ноқулай об-ҳаво шароити туфайли режалаштирилган бир қатор рейслар мажбурий кечиктирилди. Бу ҳақда Uzbekistan Airways АЖ ахборот хизмати хабар қилди.
Қайд этилишича, Тошкент—Фарғона қатнови соат 06:55 ўрнига соат 09:44 да жўнаб кетди. Шунингдек, Фарғона—Истанбул ва Истанбул—Фарғона ҳамда Фарғона—Тошкент қатновлари ҳам кечикиши маълум қилинди.
Uzbekistan Airways АЖ ахборот хизмати авиакомпания учун йўловчилар хавфсизлиги юқори ўринда туришини эслатиб ўтади. Келтирилган ноқулайликлар учун йўловчилар ва уларни кутиб олувчилардан узр сўраймиз, дейилади маълумотда.
Мавзуга доир:
Изоҳ (0)