Хоразм вилояти Қўшкўпир туманида масжид янгидан қурилиши ҳақида берилган эълонлар орқали келиб тушган 40 миллион сўм пулни ўзлаштирган имом-хатибга нисбатан жиноят иши қўзғатилди. Бу ҳақда вилоят прокуратураси хабар бермоқда.
Қайд этилишича, Қўшкўпир туманидаги «Ислом бобо» жоме масжиди имом-хатиби Қ.I. масжид янгидан ҳашар йўли билан қурилиши ҳақида оғзаки ва ижтимоий тармоқлар орқали эълонлар тарқатган. Сўнг хизмат мавқейидан фойдаланган ҳолда фуқаролардан 40 миллион сўмдан ортиқ пул маблағларини йиғиб, масжид қурилишига ишлатмасдан, ўзининг шахсий эҳтиёжларига сарфлаб юборган.
Мазкур ҳолат юзасидан Қўшкўпир туман ИИБ томонидан Жиноят кодексининг 168-моддаси (фирибгарлик) 3-қисми «в» банди жиноят иши қўзғатилиб, дастлабки тергов ҳаракатлари олиб борилмоқда. Тергов ҳаракатлари вилоят прокуратураси томонидан назоратга олинган.
Мавзуга доир: Андижонда Умрага бормоқчи бўлганларнинг 1,4 млрд сўмини ўзлаштирган шахсга жиноят иши қўзғатилди
Изоҳ (0)