Умра зиёратидан қайтган айримлар хайрли ишларда ибрат бо‘лиш о‘рнига кутиб олишдаги исрофлар: энг қимматбаҳо автоуловларда юриш, от ё туяга миниш, ко‘ча бошидан поёндозлар солиш, маросимни то‘йга, ба’зан эса Худо кечирсин, шоуга айлантириш кабиларга О‘збекистон мусулмонлари идораси раиси, муфтий Нуриддин домла ҳазратлари муносабат билдирдилар.
“Жорий йилнинг биринчи ярмида 40 минг нафарга яқим ҳамюртларимиз Умра амалини адо этиб келишди. Йил якунига қадар тахминан яна 30 минг нафар отахон ва онахонларимиз ушбу амални бажариш бахтига муяссар бо‘лишади. Бу Аллоҳнинг бизга берган жуда катта не’мати. Бу не’матга биз шукр қилишимиз керак. Аллоҳ сақласин, ношукрлик қиладиган бо‘лсак шу не’матлардан бебаҳра қолишимиз мумкин. Аллоҳ Таолонинг О‘зи Қур’они каримда бу ҳақида огоҳлантирган.
Минг афсуски, охирги пайтларда холис Аллоҳ учун қилинадиган амалларда исрофгарчилик, ортиқча дабдаба кузатилмоқда.Энг ачинарлиси, бу ишларни бутун дунё нигоҳи қаратилган интернет саҳифаларига жойлашаётгани ҳар биримизни қаттиқ ташвишга соляпти.
Ҳаж ёки Умра сафаридан қайтган инсонлар хайрли ва савобли ишларда ибрат, тежамкорликда бошқаларга намуна бо‘лишлари о‘рнига, кутиб олишдан бошланган харажатлар ва исрофгарчиликлар ҳаммани ҳайратга соляпти. Қимматбаҳо автоуловларда кутиб олиш, маҳаллани бошидан узундан-узун поёндозлар то‘шаш, катта пул сарфлаб маросимларни то‘йларга, ба’зан эса, шоуларга айлантириб юбориш ҳолатлари ко‘паймоқда.
О‘з онасини ёки отасини Умрадан кутиб олиш учун уйидан бир километр узоқликдан бошлаб ко‘чага гиламлар солишаётганига гувоҳ бо‘ляпмиз. Ҳатто, биттаси ко‘чага бир километрдан бошлаб онасининг суратларини илиб чиққанини ко‘ряпмиз. Энг ачинарлиси, кимдир Аллоҳ насиб қилиб, онасини Умрага юборибди, ҳаммага хо‘жако‘рсин қилиб, риё қилиб, кутиб олаётган бир пайтда, кимдир бемор онасига дори топаман деб, мардикорчилик қилиб йиг‘лаётганини ко‘з олдимизга келтира олмаяпмиз”, - дедилар Муфтий ҳазрат.
Изоҳ (0)