Аксарият турк актриса ва актёрлари битта лойиҳа туфайли улкан мувафаққиятга эришган. Уларнинг машҳурликка эришишига сабаб бўлган лойиҳалар кейинги фильмлар, сериалларда суратга тушишига ҳам сабабчи бўлган. Elle нашри турк кино оламида ўз ўрнига эга бўлган актриса ва актёрларни бутун дунёга машҳур қилган сериаллар ҳақида маълумот берди.
Каан Урганжиўғлу — «Адолат» сериали
«Адолат» сериали 2021 йилда томошабинларга тақдим этилди. Сериал сюжети полиция, тергов, прокурорлар ва, албатта, севги ҳақидаги воқеаларни ўз ичига олади. Бу Пинар Денизнинг биринчи марта лойиҳаларда суратга тушиши эмас эди, бироқ Каан Урганжиўғлу салбий қаҳрамон ролидан томошабинларнинг севимли қаҳрамонига айланишга муваффақ бўлди.
Актёр «Севги изтироби» сериалида Амир ролини шу қадар маҳорат билан ўйнаганки, кўпчилик унинг бошқа сериаллардаги ижросига эътибор қаратмаган. Бироқ ҳозир ҳаммаси ўзгарди, «Адолат» сериали кўплаб томошабинларнинг эътирофига сазовор бўлди ва актёрнинг мухлислари янада кўпайди.
Жемре Байсал — «Тақдир ўйини»
Турк актрисаси Жемре Байсал «Тақдир ўйини» сериалини суратга олиш жараёнларидан сўнг машҳурликка эришди. Сериалдан олинган кадрлар TikTok’да оммалашди. «Тақдир ўйини» сериалини Жемре учун келажакка чипта деб аташ мумкин, чунки бу рол унга янги роллар ва шартномалар, шунингдек, бутун дунёда машҳурликка эришишига сабаб бўлди.
Сумейе Айдўғон — «Мени эшит»
«Мени эшит» сериали яқинда томошабинларга тақдим этилди. Сериалда кўплаб ёш актриса ва актёрлар рол ижро этди. Улар орасида Мелисса образини экранда гавдалантирган Сумейе Айдўғон ҳам бор. Суратга олиш жараёнларининг бошида актрисанинг ижтимоий тармоқдаги саҳифасида 10 минг обуначиси бўлган, ҳозир уни кузатиб бораётганлар сони бир миллиондан ошди.
Бурак Ўзчивит — «Севги изтироби» сериали
«Севги изтироби» сериали жуда ачинарли, бироқ бу ҳолат унда рол ижро этган актёр ва актрисаларга тааллуқли эмас. Сериалда бош ролларни ижро этган Бурак Ўзчивит, Неслиҳан Атагул ва Каан Урганжиўғлу ўз образларини ишонарли тарзда ижро этди ва шундан кейин дунё бўйлаб машҳурликка эришди.
Ханде Эрчел — «Гунеш қизлари»
Кўплаб томошабинлар Ханде Эрчелнинг «Гунеш қизлари» сериалидаги ижросини танқид қилган бўлса ҳам, актрисалар учун бу лойиҳа уларнинг карьераларида бурилиш нуқтаси бўлди. Сериал суратга олингандан кейин бош ролни ижро этган актрисаларга ҳамкорлик ва янги шартномалардан таклифлар тушди. Ханде Эрчел бошқа лойиҳаларда ҳам ўз истеъдодини намоён қила олди ва бу рол эса унинг ҳақиқий ютуғи эди.
Керем Бурсин — «Қуёшни кутиш» сериали
«Қуёшни кутиш» сериали намойиш этилгандан сўнг Керем Бурсин машҳурликка эришди, чунки бошқа режиссёрлар ҳам актёрга эътибор қаратди ва унинг карьераси юксала бошлади. Бундан ташқари, кутилмаган муваффақиятдан сўнг, лойиҳа бошқа мамлакатларга ҳам сотила бошлади ва машҳур бўлди.
Мелиса Донгел — «Эшигимни қоқ» сериали
«Эшигимни қоқ» сериали нафақат Керем Бурсин ва Ҳанде Эрчелни, балки актёрлар таркибидаги қолган актёрларни ҳам янада машҳур қилди. Мелиса Донгел лойиҳанинг омадли актрисасига айланди. У «Эшигимни қоқ» сериалидаги ролидан сўнг бошқа кўплаб: «Севги. Интеллект. Қасос», «Дунё ва менинг ўртамда», «Севги тактикаси 2» каби лойиҳаларда бош ролларни ижро этди.
Марям Узерли — «Муҳташам юз йил» сериали
Марям Узерли дунёдаги энг таниқли турк аёлларидан бири ҳисобланади. «Муҳташам юз йил» деярли барча мамлакатларда эфирга узатилди, шунинг учун актриса ижросидаги қизил сочли Хуррам Султон образи унга ёрқин келажакни тақдим этди. Ягона муаммо шундаки, у қайси фильмда суратга тушмасин, ҳамма томошабинлар уни Султон Сулаймоннинг севимли рафиқаси сифатида танишда давом этади.
Демет Ўздемир — «Тонгги қуш»
Турк актрисаси Демет Ўздемир машҳурлик бўйича Марям Узерли ва Ханде Эрчел билан бир қаторда туради, бироқ кечроқ мувафаққиятга эришган. Актриса «309-рақам» ва «Қулупнай ҳиди» сериалларида рол ижро этган, бироқ бу лойиҳалар томошабинларнинг эътиборига тушмаган. Демет Ўздемир сериалда турк актёри Жан Яманнинг партнёри бўлган, шундан кейин актриса машҳурликка эришди.
Мавзуга доир:
- Ҳанде Эрчел, Фаҳрие Эвжен ва вазн йўқотиб, таниб бўлмас даражада ўзгарган бошқа турк актрисалари (фото).
- Суратга олиш майдончасида жанжал келтириб чиқарган энг инжиқ турк актёр ва актрисалари (фото).
- Сериалларда бирга суратга тушган бўлса-да, саҳна ортида бир-бирини кўрарга кўзи йўқ турк актёр ва актрисалари (фото).
- Турк киносининг таниқли актёр ва актрисалари ҳамда машҳурликда улардан қолишмайдиган фарзандлари (фото).
Изоҳ (0)