Жеки Чан камбағал оилада туғилган, аммо ҳар куни машқ қилиш орқали актёр ўз карьерасида ҳақиқий чўққиларни забт эта олди ва дунёга машҳур юлдузга айланди.
Ёшлигидан жанг санъати актёр ҳаётининг муҳим қисми бўлган
Жеки Чан 1954 йилда Гонконгда туғилган. Ўша вақтда ота-онаси чақалоқни туғдирган шифокорга пул тўлай олмай, дўстларидан қарз олишга мажбур бўлади. Ёшлигидаёқ Чан отаси билан кунг-фу машқ қилиш учун эрта уйғонишга одатланади. Кўп ўтмай унинг отаси Австралияда ишга жойлашади ва Жеки Гонконгда қолади — бу ерда Хитой театр академиясининг Пекин опера мактабида таҳсил олади. Кейинги ўн йил ичида у ота-онасини камдан-кам кўради.
У кун бўйи жанг санъати билан шуғулланган
Интервьюда Чан 6 ёшида мактабга борганини ва ҳар куни эрталаб соат 5 да уйғонганини, шундан сўнг қўлида 2 стакан сув ушлаб, бир томчи ҳам тўкмасдан югуриши кераклигини эслайди. Агар топшириқ бажарилмаса, ўқитувчилари уни жазолашган. Жазо сифатида у 1 соат давомида қўлда машқ бажариши ва жанг санъати билан тинмай шуғулланиши керак эди.
Жеки каскадёр сифатида ишлай бошлайди
Брюс Лидан мушт ейиш ҳам ўша пайтда мен учун шараф эди!
Кейинчалик у қурилиш ва ресторанда ҳам ишлайди, лекин ўзини бахтли ҳис қилмайди. 1976 йилда актёр Вилли Чаннинг менежеридан телеграмма олади — у Жекининг «Ғазабнинг янги мушти» фильмида рол ўйнашга таклиф қилади. Айнан шу дақиқада актёрнинг ҳаёти тубдан ўзгаради. Шунда ҳам Жеки хавфли трюкларни ўзи бажаришда давом этади. Суратга олиш ишлари 7 кун давом этган «А лойиҳаси» фильмида бир ўлимдан қолади — у соат минорасидан ерга йиқилади, шу сабабли 2 йил давомида бўйни оғриб юради.
Жеки Чан жуда муваффақиятли ва севимли актёрга айланди
Чан Осиёда катта муваффақиятга эришди, аммо Америкада тан олиниши бироз қийинроқ бўлди. «Бронксдаги муштлашув» фильми катта муваффақиятга эришгачгина Жеки юлдуз деб тан олинади. Кейинчалик актёр яна бир қанча блокбастерларда, жумладан, «Тиғиз вақт», «Шанхайдаги кун» ва «Каратэчи бола» фильмларида суратга тушди. 2016 йилда Чан кинога қўшган улкан ҳиссаси учун фахрий «Оскар» билан тақдирланди. Ўшанда Чан шундай деган:
Бу саҳнада туриш – орзу эди. 56 йил кино саноатида 200 дан ортиқ фильмларда бош ролни ижро этганим ва кўп марта суякларим синганидан сўнг, ниҳоят орзум амалга ошди.Ҳамкасблари ҳам уни жуда яхши кўради
«Аждаҳо муҳрининг сири» фильмида 2 та афсонавий актёр — Брюс Ли ва Жеки Чан биргаликда суратга тушган. Актёрлар тасодифан бир-бирлари билан учрашиб қолганида ижтимоий тармоқдаги саҳифаларида юқоридаги суратни бўлишди. Чан бу ҳақда шундай деб ёзди: «Қадрдон дўстим билан учрашганимдан жуда хурсандман! У тирик афсона». Арнольд Шварценеггер ҳам сурат билан бўлишиб, шундай деган: «Қадрдон дўстим ва қаҳрамонимни кўрганимдан хурсандман. У мен учун афсонавий актёр ва илҳом манбайимдир».
Крис Taker ҳам юқоридаги фотосуратни жойлаштириб, шундай изоҳ ёзди: «Дўстим Жеки Чанни фахрий Оскар билан табриклайман!». Криснинг таъкидлашича, «Тиғиз вақт» фильмида рол ўйнашаётганда иккаласи ҳам Голливудда ўзларини бегонадек ҳис қилишган, аммо улар бир-бирлари билан бемалол чиқишиб кетган ва доимо шумлик қилишган: «Жеки менга «Ҳазил қил. Шунда фильм янада табиий чиқади», дерди.
Чан хайрия ташкилотлари билан фаол ҳамкорлик қилади. У UNICEF элчиси сифатидаги вазифасига жуда жиддий ёндашади ва бўш вақтларида болалар, муҳтожлар ва қариялар фаровонлиги йўлида тинмай меҳнат қилади.
Мавзуга доир:
Изоҳ (0)