Тўғри овқатланиш — бу нафақат нима тановул қилишнинг, балки уни қачон истеъмол қилишнинг энг яхши вақтини ҳам билишдир. Маълум бўлишича, куннинг бошланишида ичиладиган анъанавий қаҳва оч қорин учун ҳақиқий зарардир. Агар овқат ҳазм қилиш тизимининг бузилишини истамасангиз, оч қоринга истеъмол қилмаслик керак бўлган маҳсулотлар номини билиб олинг, деб ёзади Wday.
Хамиртурушли пишириқлар
Янги булочкалар ёки хамиртурушли пироглар оч қоринга истеъмол қилиш учун яхши вариант эмас. Пишириқлардаги хамиртуруш ошқозон деворларини безовта қилади. Бундай нонушта қорин шишиши ва дам бўлишига олиб келади.
Қаҳва
Хушбўй ичимлик меъда шираси бўлган хлорид кислотасини ишлаб чиқаришни рағбатлантиради. Бу ҳазм қилмаслик, кўнгил айниши, таъсирчан ичак синдроми ва ошқозон яраси каби муаммоларни пайдо қилади
Йогурт
Барча ферментланган сут маҳсулотлари ичакларда фаол бўлган сут кислотаси бактериялари учун керак. Аммо эрталаб оч қоринга хлорид кислотаси уларни том маънода йўқ қилса, эрталаб қатиқ ёки творог истеъмол қилишнинг кераги йўқ. Ошқозон-ичак тракти билан боғлиқ муаммолар бўлмаса, оч қоринга кефир ичиш мумкин. Аммо ёғсиз кефир ичиш кислоталиликни сезиларли даражада оширади.
Спиртли ичимликлар
Оч қоринга қабул қилинган спиртли ичимликлар тезда қон оқимига киради ва бу қонда глюкоза даражасининг кескин пасайишига олиб келади. Қонда шакарнинг кескин пасайиши тана учун жиддий стрессдир.
Апельсин шарбати
Нонушта учун апельсин шарбати чиройли, аммо фойдали эмас. Апельсин меваларида жуда кўп кислота мавжуд бўлиб, улар оч қоринга жиғилдон қайнашини олиб келиши ва ошқозон ярасини қўзғатиши мумкин. Худди шу нарса олма шарбати учун ҳам тегишли.
Банан
Кунни банан билан бошлаш ёки оч қолганда, уни газак қилиш бунга лойиқ эмас. Бананлар магнийга бой бўлиб, улар оч қоринга қабул қилинганда юракда катта стрессни пайдо қилиши мумкин. Улар ортиқча вазнга эга бўлмаган ва ошқозон-ичак тракти билан боғлиқ муаммолар бўлмаган одамлар учун мос.
Ширинликлар
Ширинликлар, шоколад, тортлар — оч қоринга шакар миқдори юқори бўлган барча егуликлар қонда инсулиннинг кескин ошишига олиб келади. Ошқозон ости бези учун бундай зўриқиш фойдали эмас. Шу тарзда ширинлик истеъмол қилиш вазн ортиши хавфини пайдо қилади.
Салқин ичимликлар
Оч қоринга ичиладиган лимонад ёки шунчаки совуқ сув овқат ҳазм қилиш жараёнини секинлаштиради. Эрталаб ва оч қоринга илиқ ичимлик ичиш яхшидир. Оч қоринга салқин ичимликлар ичилганда, ўт пуфаги ва ичакда спазм пайдо бўлиши мумкин, ошқозонда овқат ҳазм қилишнинг мувофиқлаштирилган жараёни бузилади.
Янги сабзавотлар
Помидор, бодринг, булғор қалампири, карам, брокколи кислоталарга бой сабзавотлардир. Булар оч қорин учун жуда хавфли маҳсулот. Уларни оч қоринга истеъмол қилиш натижасида гастрит ва ошқозон яраси пайдо бўлади.
Консерва ва дудланган гўшт
Туз ва консервантларнинг кўплиги ошқозон деворларини безовта қилади. Меъда ширасининг ортиқча ишлаб чиқарилиши ҳар доим ошқозон-ичак касалликларини қўзғатади. Умуман олганда, бундай таомларни камроқ истеъмол қилиш керак, оч қоринга эса мумкин эмас.
Нок
Нокда ҳазм бўлмайдиган клетчаткалар мавжуд бўлиб, улар ҳали уйғонмаган организм учун оғирлик қилади. Бундан ташқари, бу мева ошқозон ва ичакларнинг фаолиятини секинлаштириши мумкин, бу эса овқат ҳазм қилиш жараёнига салбий таъсир қилади.
Изоҳ (0)