Мандариннинг ватани Хитой бўлиб, 1178 йилга тегишли шарқий қўлёзмалардан бирида ушбу меванинг 27 та энг яхши навлари тасвирланган. Кўпгина мамлакатларда (биринчи навбатда инглиз тилида сўзлашувчи) ушбу мева «танжерин» (Марокашдаги Танжер шаҳри бу меванинг биринчи глобал етказиб берувчиси) номи билан танилган. Меванинг ўзига хос атамаси ҳам бор — «Рождество апельсини»: мавсум мевасининг энг юқори ҳосилдорлиги ноябрдан январгача бўлган даврга тўғри келади, деб ёзади Elle.
Шамоллашни даволашда ёрдам беради
Бир дона мандарин C витаминига бўлган кунлик эҳтиёжнинг 31 фоизини ўз ичига олади (иммунитетни мустаҳкамлайди, қаришга қарши таъсирга эга). Бундан ташқари, мандарин таркибида B гуруҳи витаминлари, провитамин А, П ва К витаминлари, аскорбин кислотаси ва минерал тузлар мавжуд. Цитрус меваларининг вакили сифатида мандарин фитонсидларга бой — бу табиий антибиотиклар каби патоген бактериялар билан курашадиган моддалар. Шунинг учун бу янги йил мевасидан олинган шарбат иситма ва шамоллашни енгишга ёрдам беради. Ўпкани мукаммал даражада тозалайди, бу айниқса чекувчилар учун жуда фойдалидир.
Мушаклар массасини сақлайди
Мандарин вазнга ҳеч қандай таҳдид солмайди, у 37 килоалорияга эга. Бундан ташқари, баъзи маълумотларга кўра, мева ёғ тўқималарининг эришини сезиларли даражада тезлаштиради, спортчилар у билан мушакларни яхшилаши бежиз эмас.
Аёллик латофатини оширади
Мандарин турли хил парвариш масаласида фаол қўлланилади. Унинг қобиғидан олинган ёғ ҳар қандай ёшга ва деярли барча тери турларига (айниқса, ёғли) мос келади. Қўллаш доираси ўсмирлар ҳуснбузарига қарши курашдан чуқур ажинларгача ўз ичига олади. Шунингдек, бир неча томчи экстракт терининг эластиклигини тиклашга ёрдам беради, бу эса барча аёллар нафратланадиган селлюлит белгиларидан халос бўлишни англатади. Бунинг учун 15 дақиқалик хушбўй ванна қабул қилиш мумкин: 3-5 томчи мандарин эфир мойини 1 ош қошиқ денгиз тузи билан аралаштириб, илиқ сувга қўшилади. Ёки 6-7 томчи 15 мл массаж мойи билан аралаштириб, муаммоли жойларга тўлиқ сўрилмагунча массаж қилинади.
Соч тўкилиши ва оқаришининг олдини олади
Мандарин таркибидаги B12 витамини соч тўкилишини камайтиради ва сочларнинг оқаришини секинлаштиради. Соч ўсишида катта рол ўйнайдиган коллагенни яратиш учун мевадаги C витамини керак. C витамини соч саломатлигининг яна бир муҳим манбаи бўлган темирнинг сўрилишига ёрдам беради. Мандаринни ҳар доим салат, шарбатлар ва товуқ ёки балиқли таомларга қўшиш мумкин.
Организмни нитритлар билан заҳарламайди
Органик озиқ-овқат маҳсулотларини афзал кўрган ва кимёвий моддалардан фойдаланишдан жиддий хавотирда бўлганлар учун яхши янгилик. Мандаринлар бошқа цитрус мевалар сингари таркибида кимёвий моддалар бўлмаган лимон кислотаси мавжудлиги сабабли нитритларни ўз ичига олмайди.
Депрессияга қарши курашда ёрдам беради
Депрессияни даволашнинг замонавий усуллари ёқимли озиқ-овқат лаззатларидан фойдаланишни ўз ичига олади. Мандарин эфир мойи депрессия, уйқусизлик ва ёмон кайфият учун энг яхши воситалардан бири сифатида тан олинган. Бу қийин ҳаётий вазиятни енгиш ва хотиржамликни тиклашга ёрдам беради.
Мандарин харид қилишда нималарга эътибор бериш зарур?
Мандариннинг таъмини кўз билан ҳам аниқлаш мумкин. Энг нордонлари усти силлиқ ва ўртача катталикда бўлади. Уларнинг уруғлари бўлмайди. Пўчоғидан осон тозаланадиган мевалар ширин-нордон бўлади. Энг ширин ва сувли навлари кичик ёрқин ранглиларидир. Уларни +6 ҳароратда бир ойдан ортиқ вақт давомида сақлаш мумкин.
Изоҳ (0)