Кўкат, зайтун ёғи ва гречка: Қорин соҳасидаги ёғни эритишга ёрдам берадиган 6 та озиқ-овқат маҳсулотлари

Агар навбатдаги «мазали парҳез» организмнинг маълум бир қисмидаги ёғлардан халос бўлишга ёрдам беришини эшитсангиз, эҳтиёт бўлинг ─ булар маркетинг ҳийлалари. Биринчидан, ёғ организмдан бир текисда чиқиб кетиши исботланган ва агар белдаги бурмалар йўқотилса, организмдаги бошқа ортиқча вазн ҳам камайиши мумкин. Иккинчидан, табиатда озишга ёрдам берадиган ҳеч қандай сеҳрли маҳсулот йўқ. Чунки организм жуда мураккаб физиология ва анатомияга эга ва у кенг қамровли бўлиб, хилма-хил овқатланишга муҳтож. Соғлом вазн йўқотиш ҳақида гап кетганда, организмга мос келадиган парҳез билан индивидуал ёндашув жуда муҳимдир. Marie Claire нашри қорин соҳасидаги ёғларни эритишда ёрдам берадиган тасиялар билан бўлишди, бунинг учун, албатта, тўғри овқатланиш ҳамда жисмоний машғулотларни ҳам инобатга олиш зарур.

Туз ва сув

Инсон доимо сув-туз балансига эътибор бериши керак, бусиз организмда лимфа айланиши, тонус ва метаболизм яхши бўлмайди, бу шунчаки вазнни тўғри йўқотиш учун зарурдир. Минимал даражада вазннинг 1 килограми учун 30 мл сув тўғри келади. Тузга эса ¼ чой қошиқ кунлик меъёр ҳисобланади. Тузни меъёрида қабул қилиш мумкин, чунки уни рациондан бутунлай чиқариб бўлмайди.

Долчин

Қалампир мунчоқ, занжабил, зарчава, ҳатто қуритилган кўкатлар каби бошқа зираворлар ҳам фойдали. Улар антиоксидантлар бўлиб, организмни зарарли эркин радикаллардан халос қилади, токсинларни чиқариб ташлайди, ҳужайраларни кислород, А, B ва E витаминлари ва минераллар билан тўйинтиради. Антиоксидантлар озиқ-овқат чекловлари туфайли депрессиядан халос бўлишга ёрдам беради.

Кўкатлар

Ҳар қандай кўкат ноёб маҳсулот бўлиб, у оз миқдорда бўлса ҳам, организмга керак бўлган нарсани, шу жумладан оқсилни ўз ичига олади. Вазн камайтириш жараёнида кўкатлар рацион баланси учун муҳимдир, шунингдек, улар организмни суюқлик билан таъминлайди, овқат ҳазм қилиш тизимининг яхши ишлашига ёрдам беради. Рационга кўкатларни киритиб, витаминларнинг бутун мажмуасини қабул қилиш ва ҳужайраларни хлорофилл билан бойитиш мумкин.

Гречка

Нафақат гречка, балки тушлик учун бошқа мураккаб углеводлар ва клетчаткалар — макарон маҳсулотлари, жавдар нони, картошка, шунингдек, мева ва сабзавотлар истеъмол қилиш мумкин. Ушбу маҳсулотларнинг барчаси метаболизмни тезлаштиради, бу вазнни муваффақиятли йўқотишга бевосита таъсир қилади. Фақатгина оқсил ва сабзавотларнинг ўзини истеъмол қилиш натижа бермайди.

Зайтун ёғи

Кокос ёнғоғи ёки зиғир уруғи — асосийси, организмга бу ёғлар таркибидаги ўсимлик ёғлари керак. Улар гормонлар секрециясида иштирок этади ва тўқлик ҳисси билан рағбатлантиради, шунингдек, ичак фаолиятини яхшилайди.

Нўхат

Нўхат ёки бошқа оқсил манбаини ҳам истеъмол қилиш мумкин. Оқсил организм учун жуда муҳим, айниқса вазн йўқотиш пайтида. Бу тўқликни келтириб чиқаради ва узоқ вақт давомида очлик ҳиссини уйғотмайди. Оқсил янги ҳужайралар учун асосий воситадир ва у калорияларни сарфлашга ёрдам берадиган мушакларни ҳам озиқлантиради. Нўхатни ёқтирмайдиганлар балиқ, денгиз маҳсулотлари, тухум, товуқ гўшти ёки ловияни ҳам истеъмол қилиши мумкин.