Осиё тараққиёт банки (ОТБ) Ўзбекистонда ипотека ва «яшил» молиялаштириш учун 150 миллион долларлик кредит ажратади. Бу ҳақда банк матбуот хизмати хабар бермоқда.
ОТБънинг Ипотека бозори секторини ривожлантириш дастури доирасидаги кредит Ўзбекистон Ипотека кредитларини қайта молиялаш компаниясини (ЎзМРМ) уй-жой ипотекалари, уй-жойларни ободонлаштириш кредитлари ва «яшил» молиялаштириш учун йўналтирилади.
Ўзбекистонда қарз олувчилар яшил реновация кредитларидан иситиш ва совутиш тизимларини янгилаш ёки ўрнатиш, қуёш панелларини ўрнатиш, сув изоляциясини яхшилаш — энергия самарадорлигини ошириш учун фойдаланиши мумкин.
Хавфсиз ва фаровон уй — бу инсоннинг асосий ҳуқуқи ва биз Ўзбекистонда ҳамёнбоп ипотека кредитлари мавжудлигини оширишга ёрдам берганимиздан мамнунмиз. Ушбу дастур уй эгаларига энергия самарадорлигини ошириш ва иқлим таъсирини юмшатишга ёрдам беради, — дейди ОТБънинг Марказий ва Ғарбий Осиё бўйича Бош директори Евгений Жуков.
ОТБ дастурига кўра, кредитларнинг камида 32,5 фоизи аёлларга берилиши керак. Кредит Ўзбекистонда бозорга асосланган ипотека молиясини фаоллаштириш учун молиялаштириш механизмларини рағбатлантиради.
Бундан ташқари маблағлар уй-жой ипотека маҳсулотлари, шу жумладан яшил молиялаштириш имкониятларини кенгайтиради ва банк секторига маҳсулот инновацияларини олиб келади.
ОТБ кўмаги иштирокчи молия институтларини муҳим узоқ муддатли молиялаштириш орқали бутун Ўзбекистон бўйлаб уй-жой қурилиши молиясига киришни кенгайтиришда давом этади, — дейди ОТБнинг молия сектори бўйича бош мутахассиси Саед Али-Мумтоз Шоҳ.
Ўзбекистон ОТБга 1995 йилда аъзо бўлган. Ўшандан бери банк мамлакатга 10 миллиард доллардан ортиқ кредитлар, грантлар ва техник ёрдам ажратган.
Аввалроқ ОТБ Ўзбекистонда озиқ-овқат хавфсизлигини таъминлаш учун 500 млн доллар ажратиши ҳақида хабар берилган эди.
Изоҳ (0)