Қашқадарё вилояти Деҳқонобод туманида мактабгача таълим ташкилоти раҳбари пора билан қўлга тушди. Бу ҳақда вилоят прокуратураси хабар қилди.
Қайд этилишича, ҳуқуқни муҳофаза қилувчи органлар билан ҳамкорликда фуқаро М.Ф.нинг аризаси юзасидан тезкор тадбир ўтказилган. Унда Деҳқонобод туманидаги 7-сонли МТТ раҳбари Н.О. ишга қабул қилиш эвазига 300 долларни М.Фдан олган вақтда ашёвий далиллар билан ушланган.
Мазкур ҳолат юзасидан Н.О.га нисбатан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)