Бугун,

  • USD 11095.31
  • RUB 173.84
  • EUR 10772.44

B гуруҳи витаминлари (жами еттита) барча элементларнинг энг энергияга бойидир, чунки улар истеъмол қилинган калорияларни энергияга айлантиришга ёрдам беради. Энг муҳим витаминлардан бири B12 витамини бўлиб, у ДНК ишлаб чиқарилиши, шунингдек, асаб ва қон айланиш тизимининг соғлиғига боғлиқ. Ушбу витаминнинг тавсия этилган кунлик истеъмоли 2,4 микрограмни ташкил қилади ва кўп ҳолларда у озиқ-овқат маҳсулотлардан олинади. Аммо кундалик рацион етарли даражада турли хил бўлмаса, организмда B12 витамини етишмаслиги мумкин. «Новий очаг» нашри B гуруҳи витаминлари етишмаслигининг бир нечта аломатларини маълум қилди.

Фото: «Новий очаг»

Фото: «Новий очаг»

Қўл ва оёқлар увишиши

B12 витамини асабларни ҳимоя қилувчи миелин ишлаб чиқаришда иштирок этади. Агар мазкур витамин етарли бўлмаса, асаблар керакли даражада ҳимояланмайди. Натижада оёқ-қўлларда қон айланмаслиги ва ҳатто увишиш кузатилиши мумкин.

Чарчоқ

B гуруҳи витамини етишмовчилигининг классик белгиларидан бири доимий чарчоқ ҳиссидир. Гап шундаки, B12 витамини етишмаслиги туфайли мегалобластик анемия ривожланиши мумкин — у организмда кислородни етказиб берадиган қизил қон таначалари ишлаб чиқаради. Натижада энг муҳим органлар етарлича кислород олмайди ва чарчоқ ҳисси пайдо бўлади.

Рангпарлик

Оқарган ёки ҳатто сарғиш рангдаги тери B12 витамини етарли эмаслигининг яна бир белгисидир. Сабаби ҳужайралар етарлича кислород олмайди. Аммо шуни унутмаслик керакки, юз рангининг кескин ўзгариши жиддий касалликларнинг намоёни бўлиши мумкин. Масалан, гепатит ёки ҳатто жигар саратони каби. Шунинг учун ўз вақтида шифокор билан маслаҳатлашиш муҳимдир.

Депрессия

B12 витамини нейротрансмиттерларни ишлаб чиқаришда иштирок этади, улардан бири серотонин, яъни унинг етишмаслиги депрессия ривожланиши билан боғлиқ. Бундан ташқари, B12 нейронлар орасидаги алоқа учун зарурдир ва агар унда муаммо бўлса, бу ҳам жиддий касалликнинг ривожланишига олиб келиши мумкин. Умуман олганда, агар ҳаётга нисбатан норозилик ва энергия шубҳали даражада пасайган бўлса, қон топшириш ва B12 витамини даражасини текширтириш тавсия этилади.

Хотира билан боғлиқ муаммолар

B12 витамини миядаги метаболик жараёнларнинг меъёрда ишлаши учун зарурдир, мос равишда унинг етишмаслиги жиддий хотира муаммолари ва ҳатто деменсиянинг ривожланишига олиб келиши мумкин. Шунинг учун маълумотни эслаб қолиш ёки қайта ишлашда қийинчиликлар сезилса, B гуруҳи витаминлари даражасини текширишни унутмаслик лозим. Уларнинг етишмаслиги жиддий ва деярли қайтариб бўлмайдиган касалликларга олиб келиши мумкин.

Ёш 50 дан ошганда

Буни, албатта, аломат деб аташ қийин, аммо 50 ёшдан ошган инсонларда ҳам B12 витамини танқислиги юзага келиши мумкин. Гап шундаки, ошқозон кислотаси ушбу витаминнинг сўрилиши учун зарурдир ва унинг организмда ишлаб чиқарилиши ёш ўтиб бориши билан камаяди. Шунинг учун 50 ёшдан ошганларга ҳар йили қон таҳлилини ўтказиш ва барча керакли витамин ва минераллар даражасини кузатиш тавсия этилади.

Изоҳ
Асосий янгиликлар
Маҳаллий
Солиқлар, жарималар, коммунал ва бошқа тўловларни қандай қилиб уйдан чиқмасдан тўлаш мумкин?
Маҳаллий
БАА Ўзбекистон заргарлик саноатига инвестиция киритиши кутиляпти
Дунё
Зеленскийнинг рафиқаси украиналиклар чироқсиз ва иссиқликсиз яшашга розилигини маълум қилди