Ҳали кўзингизни очмасингиздан, бошингиз ёрилгудек бўлиб оғрияптими? Дам олган ҳолда уйғониш ўрнига ҳолдан тойгандек бўласиз. Бу кенг тарқалган муаммо. Қуйида эрталаб уйқудан кейин нима учун бош оғриётганини ва нима қилиш кераклигини билиб олинг.
Уйқусизлик
Уйқу сифати эрталабки ҳолатга бевосита таъсир қилади. Нотинч уйқу бош оғриғига сабаб бўлиши мумкин, яхшиси эса енгиллаштиради. Агар сиз яхши ухламасангиз, эрталаб ўзингизни яхши ҳис қилмаслигингиз аниқ.
Уйқусизликни даволаш муаммонинг илдизидан бошланади. Уйқусизлик ҳам асосий муаммо, ҳам бошқа ҳолатларнинг таъсири бўлиши мумкин. Сурункали уйқусизлик кўп нарса сабаб бўлиши мумкин, баъзи руҳий касалликлардан тортиб стрессгача. Бунинг учун шифокор билан маслаҳатлашиш лозим.
Апноэ
Апноэ синдроми бу — одамлар ухлаётганларида нафас олишни қайта-қайта тўхтатишга олиб келадиган жиддий ҳолат. Кислород етишмаслиги бошдаги босимнинг ошишига олиб келиши мумкин, бу эса бош оғриғига сабаб бўлади.
Сизда уйқу апноэси бор ёки йўқлигини аниқлаш қийин бўлиши мумкин, лекин кўп хуррак отишингиздан шикоят қилишса ва кўп ухлаганингизга қарамай, ўзингизни тез-тез чарчаган ҳис қилсангиз, бунинг сабаби уйқу апноэси бўлиши мумкин.
Мигрен хуружи
Мигрен билан оғриган беморлар одатда бир вақтнинг ўзида бир нечта хуружларни бошдан кечиради.
Мигрен генетик жиҳатдан ирсий неврологик касалликдир. Унинг сабаблари орасида стресс, ёмон уйқу ва овқатланиш мавжуд. Агар сизда мигрен борлигига ишончингиз комил бўлса, даволанишингизни режалаштиришга ёрдам берадиган невролог кўригидан ўтинг.
Кечаси тиш қитирлатиш
Тишларн қитирлатиш темпоромандибулар бўғимларда кучланишни келтириб чиқариши мумкин, бу эса пастки жағни қулоқ олдидаги бош суяги билан боғлайди, шунингдек, жағ ҳолатини ўзгартиради. Буларнинг барчаси бош оғриғига айланиши мумкин бўлган кучланишга олиб келади. Бундан ташқари, жағингизда қисирлаш, оғриқ ёки тишларингиздаги сезгирликни ҳис қилишингиз мумкин.
Бундан халос бўлиш учун тиш шифокори билан гаплашиш керак — у кечасига махсус ҳимоя тиш қопламаларини тавсия қилади.
Оғриқ қолдирувчи воситаларни қабул қилиш
Кўп миқдорда рецептсиз оғриқ қолдирувчи воситаларни қабул қилиш бош оғриғига олиб келиши мумкин. Уларни мунтазам равишда қабул қилиш, ҳатто вақти-вақти билан бош оғриғини сурункали ҳолатга айлантириши мумкин.
Хавотир ва депрессия
Депрессия ва хавотир ҳам уйқу сифатига салбий таъсир қилади, мигрен билан оғриган одамлар депрессия ва хавотирдан кўпроқ азоб чекишади.
Озиқ-овқатга аллергия
Озиқ-овқатга аллергия ёки озиқ-овқат сезгирлиги мигренни қўзғатиши мумкин (20% ҳолларда). Бунинг сабаби тананинг ҳар қандай маҳсулотга реакцияси бўлган яллиғланиш бўлиши мумкин.
Уйқудан кейинги бош оғриғини қандай даволаш керак?
- Тўғри даволаш симптомга нима сабаб бўлганига боғлиқ. Дори-дармон сифатида яллиғланишга қарши, оғриқ қолдирувчи воситаларни қўллаш мумкин
- Рецептсиз оғриқ қолдирувчи воситалар вақтинчалик ёрдам беради, лекин биринчи навбатда ноқулайлик сабабини аниқлаш керак. Мисол учун, кунига 8+ соат давомида ноутбукда ўтириш бош оғриғига сабаб бўладиган бўйин ва елка увишишига олиб келиши мумкин; физиотерапевт мушакларни бўшаштиришга ёрдам беради ва ишлаётганингизда қандай ҳолатда бўлишни ўргатади.
- Бошқа муолажалар иссиқ ёки совуқ компресслар, илиқ душ ёки массажларни ўз ичига олади.
- Муаммо касаллик билан боғлиқ бўлса, шифокорга мурожаат қилинг. Бундай ҳолатда даволаниш фақат шифокор томонидан белгиланади.
Изоҳ (0)