Disney+ стриминг хизмати ўзининг қисқа метражли лойиҳаларининг иккинчи мавсуми учун трейлерни эълон қилди, деб ёзади Elle.
Бутун дунё бўйлаб оммавий ахборот воситаларининг эътиборини «Reflect» («Акс») лойиҳаси жалб қилди. Унинг қаҳрамони Бянка исмли мафтункор балерина бўлиб, у рақс ёрдамида ойнадаги ўз акси билан курашади. Бу картинанинг ўзига хос хусусияти нимада? Гап шундаки, Бянка Disney тарихидаги тўлачадан келган биринчи мультфильм қаҳрамони. Қисқа метражли фильм нафақат экрандаги инклюзивлик учун кураш, балки анча жиддий психологик маънога ҳам эга.
Маълум бўлишича, мультфильм жиддий психологик мавзуни — дисморфофобия синдромини очиб беради. Бу синдром одам ўзининг қиёфасини қабул қилмайдиган, ташқи кўринишидан ҳаддан ташқари ташвишланадиган ва камчиликларини тузатиш учун ҳамма нарса қилиш билан боғлиқ. Бу орқали анимация яратувчилари яна бир бор гўзаллик хилма-хиллигини таъкидлаб, ташқи кўринишидан уяладиган болаларга кўпроқ ўзига ишонч бағишлашни мақсад қилган.
Мавзуга доир:
Изоҳ (0)