Пентагон матбуот котиби Сабина Синг матбуот анжуманида АҚШ Мудофаа вазирлиги Украинага яна 275 миллион долларлик ҳарбий ёрдам тақдим этишини маълум қилди, деб ёзади «РБК».
Янги ҳарбий ёрдам HIMARS ракета тизимлари ва 155 мм гаубицалар учун ўқ-дориларни ўз ичига олади. Украина президенти офиси раҳбари Андрей Ермак ўзининг Telegram-каналида Киев «HIMARS ва артиллерия, қурол-яроғ ва жиҳозлар учун бундан ҳам кўпроқ ўқ-дорилар» олишини ёзди ва Вашингтонга миннатдорчилик билдирди.
Бир кун олдин АP хабар қилганидек, пакет янги қуролларнинг катта ҳажмдаги етказиб берилишини эмас, асосан Украинадаги қурол тизимлари учун ўқ-дориларни тўлдиришни ўз ичига олади.
Агентлик ҳисоб-китобларига кўра, 24 февралда жанговар ҳаракатлар бошланганидан бери Қўшма Штатлар Украинага қарийб 18 миллиард долларлик қурол ва ҳарбий техника етказиб берган.
NBC телеканалига кўра, конгрессменлар Киевга 50 миллиард долларлик ҳарбий ёрдам ажратиш тўғрисидаги қонунни қабул қилмоқчи. Республикачи сенаторлардан бирининг айтишича, бу маблағ «Украинанинг келаси йилда омон қолишига ишонч ҳосил қилиш» учун етарли.
Изоҳ (0)