Самарқандда 27—28 октябрь кунлари бўлиб ўтган МДҲга аъзо давлатлар Парламентлараро Ассамблеясининг ялпи мажлисида муҳим мавзулар муҳокама қилинди. Бу ҳақда Олий Мажлис Сенати раиси маълум қилди, деб хабар бермоқда «Дарё» мухбири.
Танзила Норбоевага кўра, ушбу қонунлар миллий қонунчиликни такомиллаштиришда зарур бўлади.Ялпи мажлисда кенг доирадаги мавзулар бўйича 20 га яқин модель қонунлар кўриб чиқилди. Улар, албатта, миллий қонунчиликни такомиллаштиришда зарур бўлади. Олий даражада эришилган келишувларни қонунчилик жиҳатидан таъминлаш ҳокимият вакиллик органлари фаолиятида алоҳида аҳамиятга эга. Парламент аъзолари бундан кейин ҳам сиёсий, савдо-иқтисодий, сармоявий, маданий-гуманитар ва бошқа соҳаларда давлатлараро муносабатларни ривожлантиришга қаратилган қонунчилик базасини мустаҳкамлаш бўйича саъй-ҳаракатларини давом эттиришлари керак, — дейди Олий Мажлис Сенати раиси Танзила Норбоева.
Таъкидланишича, сиёсий масалалар ва халқаро ҳамкорлик, маданият, ахборот, туризм ва спорт, аграр сиёсат, табиий ресурслар ва экология бўйича доимий комиссияларнинг мажлислари самарали бўлди.
Мавзуга доир:
Изоҳ (0)