Бугун,

  • USD 11095.31
  • RUB 173.84
  • EUR 10772.44

Россия президенти матбуот котиби Дмитрий Песков Владимир Путин Гвинея-Бисау президенти Умару Сисоку Эмбало орқали Украина президентига сулҳ бўйича музокараларга тайёрлигини етказмаганини айтди, деб ёзади «Коммерсантъ».

Умару Сисоку Эмбало ва Владимир Путин

Умару Сисоку Эмбало ва Владимир Путин
Фото: Россия президенти матбуот хизмати

Песковнинг сўзларига кўра, давлат раҳбари Умару Сисоку Эмбалога Украина ҳукумати билан музокаралар қандай боргани ва Киев вакиллари «радарлардан ғойиб бўлгани» ҳақида гапириб берган. Гвинея-Бисау президенти шунчаки бу позицияни Владимир Зеленскийга етказмоқчи бўлган, «алоҳида мурожаат» бўлмаган, дея аниқлик киритди Песков.

Матбуот котиби маълум қилишича, Россия Украина билан музокаралар бўйича «ўз позициясини ҳозир амалда ўзгартиргани йўқ», бироқ Киев буни «умуман истамаслиги»ни кўрсатяпти.

Музокаралардан бош тортиш, Дмитрий Песковнинг сўзларига кўра, «Вашингтон буйруғи билан бўлаётгани кўриниб турибди».

Аввалроқ Гвинея-Бисау президенти Умару Сисоку Эмбало Украина етакчиси Владимир Зеленский билан Киевда ўтказган матбуот анжуманида Россия президенти Владимир Путин Украина раҳбарига хабар етказишни сўраган, бунинг видеоси Зеленскийнинг Telegram’даги каналига жойланган эди.

30 сентябрь куни Кремлда Донецк ва Луганск халқ республикалари ҳамда Украинанинг Херсон ва Запорожье вилоятлари босиб олинган қисмларининг «Россия таркибига кириши» ҳақида шартномалар имзоланди. Ўша куниёқ Украина ҳукумати НАТОга қўшилиш учун ариза берди. Зеленский ўшанда Россия билан мулоқотга тайёрлигини айтган, лекин «бошқа президент билан» деган эди.

4 октябрь куни эса Украина расман Путин билан ҳар қандай музокаралардан бош тортди.

Изоҳ
Асосий янгиликлар
Маданият
«Ҳаммаси қаҳвахонадан бошланган»: Кемерон Диас ва Дрю Берриморнинг вақт синовидан ўтган дўстлиги (фото)
Дунё
Хитой собиқ раҳбари Цзян Цзэминь 96 ёшида вафот этди
Дунё
Еврокомиссия: Урушда 100 минг украиналик аскар ва 20 минг тинч аҳоли ҳалок бўлди (видео)