Bugun,

  • USD 11095.31
  • RUB 173.84
  • EUR 10772.44

Ukraina prezidenti Vladimir Zelenskiy G7 mamlakatlari yetakchilarining onlayn uchrashuvida keskin nutq so‘zladi, deb yozadi “Apostrophe.ua”.

Foto: “RBK”

Foto: “RBK”

Zelenskiy G7 davlatlari rahbarlarini Rossiyaning amaldagi rahbari bilan hech qanday muloqot bo‘lishi mumkin emasligi borasidagi aniq haqiqatni tan olishga chaqirdi, chunki Rossiya rahbarining o‘zi Ukrainaning yillar davomida tinchlik muzokaralarini o‘tkazishga urinishlariga qaramay, muloqotni rad etgan.

Terror — bu uning dunyoga, boshqa odamlarga munosabati. “Katta yettilik” mamlakatlari yetakchilari Putin bilan har qanday muzokaralardan bosh tortishi kerak, chunki u faqat “terror va ultimatumlar tilini” tushunadi, — deydi Zelenskiy.
“Katta yettilik” yetakchilariga murojaati chog‘ida Zelenskiy agar ular zarbalar, qirg‘inlar va tinch aholi vakillarini hujum qilishdan keyin Putinning yo‘lini to‘smasa, jamiyat ularni qabul qilmasligini ta’kidladi.
Butun dunyo tushunishi kerakki, muloqot Rossiyaning boshqa rahbari bilangina bo‘lishi mumkin. U BMT nizomi, insonparvarlik va Ukrainaning hududiy yaxlitligini tan oladigan hamda terror orqali asosiy qarorlarga ta’sir ko‘rsatadigan terrorchi bo‘lmasligi kerak. Hozir birgina odam tinchlikka to‘siq bo‘lmoqda – bu odam esa Moskvada, — deya qo‘shimcha qildi Ukraina rahbari.
Bundan tashqari, Zelenskiy o‘zini diktator deb e’lon qilgan Aleksandr Lukashenkoning har qanday provokatsiyalarini bartaraf etish uchun Ukrainaning Belarus bilan chegarasiga xalqaro kuzatuvchilar yoki tinchlikparvar kuchlar missiyasini joylashtirishni taklif qildi.

Zelenskiy, shuningdek, Ukrainaga berilgan zarbalarga javoban Rossiya energetika sektoriga qarshi sanksiyalar qo‘llashga va Rossiyaning asosiy tahdidini to‘xtatish uchun Ukrainani yetarli darajada havo mudofaasi bilan ta’minlashga chaqirdi.

Rossiya referendumlar va Ukraina hududini anneksiya qilgani uchun butunlay izolyatsiya qilinishi va jazolanishi kerak. Hozir bizda diplomatiya uchun imkoniyat yo‘q, chunki Rossiya rahbari faqat terrorga ishonadi, — deydi Zelenskiy G7 rahbarlariga murojaat qilib.
Eslatib o‘tamiz, Rossiya rahbari Vladimir Putin va Ukraina prezidenti Vladimir Zelenskiy Indoneziyaning Bali orolida bo‘lib o‘tadigan G20 sammitida ishtirok etishlari mumkin.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?