Россия «Гром» стратегик ядровий кучларининг машғулотларини ўтказди, бу 2022 йил ҳисобида иккинчи шундай машғулот. Дмитрий Песков урушга сафарбар қилинганлар учун зарур анжомлар етишмаётганини тан олди, лекин «вазиятни тўғирлаш учун шошилинч чоралар кўрилаётганини» айтди. «Тайга.инфо» нашрининг ёзишича, Сибир минтақасидан сафарбар қилинганларнинг деярли ярмининг оиласи зўрға тирикчилик қилади. Россияда сафарбар қилинган шахсга нисбатан қочиш бўйича биринчи иш очилди. Польша Сенати Россия Федерацияси ҳукуматини «террорчи режим» деб эълон қилди. Аннексия қилинган Донецк халқ республикасининг Шахтёрск шаҳри мери Александр Шатов Украина Қуролли кучлари шаҳарни ўққа тутгани ҳақида маълум қилди. Шаҳарда нефтбаза, ёнилғи баклари, хусусий турар жой бинолари ва автовокзал биноси ёниб кетди. Meduza урушнинг 245-кунига оид асосий фотосуратларни тақдим этди.
Харьков вилояти, Суповка қишлоғида қолган ягона одам
Харьков вилояти, Суповка қишлоғидаги темир йўл ёнида мажақланган машина. Суповка урушнинг дастлабки кунларида босиб олинган, баҳор охири ва ёз бошида қишлоқ учун қаттиқ жанглар бўлган. Харьков вилояти давлат маъмурияти маълумотларига кўра, Украина Қуролли кучлари 15 сентябрь куни Суповкани озод қилди.Фото: Reuters
Дарвозада «Ёвуз сиёсатчини тўхтатинг» деган ёзув.Фото: Reuters
Қишлоқдаги вайрон бўлган уй, унинг синган деразаларига эшик билан тўсиқ қилинган.Фото: Reuters
65 ёшли Михаил Юрков олти ой давомида бункерда яширинган. Жанг пайтида Суповкадаги Татарка дарёси устидан ўтувчи кўприк вайрон бўлгач, қишлоқ иккига бўлинди. Юрков қишлоқнинг ярим қисмида ёлғиз қолган.Фото: Reuters
Михаил Юрков олти ой бункерда яшаганидан сўнг уйига қайтиб келди. Отишма пайтида уй жиддий шикастланган, шунинг учун Михаил стулни овқатланадиган стол сифатида ишлатиб турибди.Фото: Reuters
Михаил Юрков бункер эшигини очмоқда, бу ерда у Суповка озод қилингунга қадар олти ой ўқлардан яширинган.Фото: Reuters
Суповкадаги вайрон бўлган уй ёнида ишдан чиққан ҳарбий юк машинаси.Фото: Reuters
Украина шаҳарларида электр узилишлари
Днепр шаҳридаги кўприк. Россия томонидан ўққа тутишлар (асосан 10 октябрь куни) пайтида шикастланган энергетика инфратузилмасини тиклаш мақсадида Украина ҳукумати бутун мамлакат бўйлаб электр энергиясини бир неча соатга узиб қўйишга қарор қилди. Шаҳарлар кўчаларни ёритиш чекланмоқда.Фото: EPA
Днепрдаги бар.Фото: EPA
Одесса аҳолиси телефон фонарлари билан йўлни ёритмоқда.Фото: EPA
Донецк яқинидаги нефтбазада ёнғин
Донецк вилояти, Шахтёрск шаҳридаги нефтбаза атрофида турган ўт ўчирувчи. Донецк халқ республикаси оккупацион маъмуриятига кўра, Украина Қуролли кучларининг ҳужуми оқибатида нефтбаза ёниб кетган. Ёнғин ёнилғи бакларига, кейин эса хусусий турар жой бинолари ва автовокзал биносига ўтган.Фото: «ТАСС»
Изоҳ (0)