AQSH rasmiylari Rossiya va Eron o‘rtasidagi “chuqurlashgan ittifoq”dan xavotirda. Bu haqda AQSH Davlat kotibining Yaqin Sharq masalalari bo‘yicha yordamchisi o‘rinbosari Jennifer Gavito ma’lum qildi.
Biz Rossiya-Eron ittifoqining chuqurlashib borayotganidan xavotirdamiz, buni Rossiya tomonidan Ukrainadagi fuqarolik infratuzilmasini yo‘q qilish uchun foydalanilgan Eron dronlari ham tasdiqlaydi. Prezident Bayden iyul oyida aytganidek, biz Yaqin Sharqdan voz kechib, Xitoy, Rossiya yoki Eron tomonidan to‘ldiriladigan bo‘shliqlar qoldirmaymiz, — dedi Gavito.Uning so‘zlariga ko‘ra, “AQSH ma’muriyati ham Eron bilan vaziyatni yumshatishga intilmoqda”. Biroq, shu bilan birga, diplomatning ta’kidlashicha, Qo‘shma Shtatlar Tehronning beqarorlik deb hisoblangan bunday faoliyatini cheklash uchun xorijiy ittifoqchilar bilan hamkorlikda harakatlanishga o‘tadi.
Prezident Bayden ittifoqchilar va hamkorlar bilan Eronning beqarorlashtiruvchi faoliyatini to‘xtatish va unga qarshi kurashishga qat’iy qaror qildi. Eronning Iroqdagi yoki (Yaqin Sharq) boshqa mintaqadagi AQSH xodimlariga qarshi tahdidlariga toqat qilib bo‘lmaydi. Va aytganimizdek, biz buni amalga oshiramiz. Xalqimizga yoki manfaatlarimizga hujum bo‘lganda albatta javob qaytaramiz, — dedi Gavito.Avvalroq AQSH Rossiyaga “xavfli qurol” yetkazib berayotgan Eronga sanksiyalar bilan tahdid qilgani haqida xabar berilgan edi.
Izoh (0)