Москвадаги «Очаково» заводи Ўзбекистон ва Қозоғистонга CoolCola, Fancy ва Street газланган ичимликлар экспортини йўлга қўйди. Бу ҳақда компания баёнотига таяниб, «ТАСС» хабар бермоқда.
2022 йил октябрь ойида «Очаково» компанияси Ўзбекистон ва Қозоғистонга CoolCola, Fancy ва Street’нинг биринчи жўнатилишини амалга оширди.
CoolCola, Fancy ва Street ишлаб чиқариш 2022 йил март ойида бошланган. Компания маълумотларига кўра, август ойигача янги маҳсулотлар илгари трансмиллий компаниялар томонидан ишлаб чиқарилган барча қадоқлаш форматларида сотувга чиқарилди.
Шу билан бирга, «Очаково»нинг ишлаб чиқариш қуввати 125 миллион декалитр алкоголсиз газланган ичимликлар ишлаб чиқаришга етди ва CoolCola Zerо бозорга чиқарилди.
«Экспорт бозорларининг ривожланиши Россия билан бир вақтда давом этади. Биз жуда ижобий тенденцияни кўрмоқдамиз ва бу йўналишга сармоя киритишга тайёрмиз, — деди «Очаково» бош директори Юрий Антонов.
Компания вакилларининг фикрича, Қозоғистон ва Ўзбекистон энг истиқболли ташқи бозор ҳисобланади.
«Очаково» хорижий капитал иштирокисиз пиво ва алкоголсиз саноатдаги энг йирик Россия корхонасидир. Унинг таркибига 10 та шўъба корхона, жумладан, Москва, Краснодар, Пенза ва Тюмендаги солод заводи, вино заводи ва қишлоқ хўжалиги корхоналари киради.
Компаниянинг ичимликлари Россиянинг 60 та ҳудудига ва 30 дан ортиқ хорижий мамлакатларга етказиб берилади.
Изоҳ (0)