Деярли барча беморлар фақат кўзида муаммо бўлгандагина шифокорига мурожаат қилади. Бу ҳақда олий тоифали кўз шифокори Ҳикматулло Содиқов «Дарё»га мухбирига берган интервьюсида айтиб ўтди.
Ҳикматулло Содиқовнинг маълум қилишича, кўзида муаммоси бўлмай туриб, профилактик текширувга келадиганлар 3-4 фоиз.
«Қолган 95 фоиз фуқаролар кўзида муаммоси бўлгандан кейингина шифокорга мурожаат қилади. Чунки ҳамма иш билан овора бўлиб қолган. Ҳеч ким ўзининг соғлиғи учун атайин шифохонага бориб, текширувдан ўтиб келаман, демайди», — деди офталмолог.
Кўз шифокорининг алоҳида таъкидлашича, кўпинча, боланинг кўзида қандайдир муаммо бўлгандан кейин докторга олиб келишади.
«Ҳеч ким келиб, профилактика учун боламни ўқитяпман, шунча зўриқиш билан дарс қиляпти, кўзда бирор бир муаммо бўлмадимикан, эртага кўзойнак тақадиган бўлиб қолмаяптимикан, деб олиб келадиган ота-оналар жуда кам. Балки бизнинг одамларга вақт керакдир. Улар иш билан оввора бўлиб, келмайди деб ўйлайман», — деди у.
Ҳикматулло Содиқовнинг қўшимча қилишича, кўпчилик ота-оналар болаларинини соғлом ўсяпти, деб ўйлайди, аслида эса бошқача бўлиб чиқадиган ҳолатлар кўп.
Аввалроқ Ҳикматулло Содиқлв беморларга биологик фаол қўшимчалардан фойдаланмасликни маслаҳат беришини айтган эди.
Изоҳ (0)