UFC 280 иштирокчилари вазн ўлчаш маросимида қатнашди. Маҳмуд Муродов меъёрни бажарди, Зубайра Тухуговнинг жанги бекор қилинди

БААнинг Абу-Даби шаҳрида 22 октябрь, шанба оқшомида UFC 280 мусобақаси бўлиб ўтади.

Мазкур мусобақанинг асосий жанги енгил вазн тоифасида вакант бўлиб турган чемпионлик камари учун кечади. Чарльз Оливейра (33-8) ва Ислом Махачев (22-1) ушбу титул учун жанг қилади.

Ўзбекистонлик яккакурашчи Маҳмуд Муродов (25-7) мазкур мусобақада Бразилия вакили Борралёга (12-1) қарши октагонга кўтарилади.

Спортчилар жангдан олдин тарозидан ўтди. Муродов ва унинг рақиби вазн меъёрини бажарди. Асосий жанг вакиллари ҳам меъёрга яқин натижа қайд этган.

Мусобақа 22 октябрь куни Ўзбекистон вақти билан 19:00 да бошланади.

Асосий кард

• Чарльз Оливейра (70,08 кг) — Ислом Махачев (70,08 кг)
• Алжемейн Стерлинг (61,23 кг) — ТиЖей Диллашоу (61,23 кг)
• Пётр Ян (61,68 кг) — Шон О‘Мелли (61,46 кг)
• Бенеил Дариуш (70,76 кг) — Матеуш Гамрот (70,76 кг)
• Кетлин Чукагян (57,83 кг) — Манон Фиро (56,92 кг)

• Билол Муҳаммад (77,11 кг) — Шон Бреди (77,56 кг)
• Маҳмуд Муродов (83,91 кг) — Кайо Борральо (84,36 кг)
• Волкан Ўздемир (93,44 кг) — Никита Крилов (93,44 кг)
• Абубакар Нурмагомедов (77,33 кг) — Гажи Умаргажиев (77,56 кг)
• Армен Петросян (84,36 кг) — ЭйЖей Добсон (83,91 кг)
• Муҳаммад Мокаев (57,15 кг) — Малколм Гордон (57,15 кг)
• Керол Роса (61,23 кг) — Лина Лансберг (61,23 кг).