Ҳақиқий ҳаётда севимли турк актёр ва актрисалари сериаллардагидек ёқимтой ва бекам-у кўст деб ўйласангиз, адашган бўласиз. Улар ҳақидаги бор ҳақиқатни суратга олиш гуруҳи аъзолари билади. Юлдузларнинг инжиқликлари баъзан энг юқори чўққига чиқади ва том маънода ижодий жамоани қийин аҳволга солиб қўяди. Ellegirl нашри суратга олиш майдончасида жанжалларга сабаб бўлган турк актёр ва актрисаларининг бир нечтаси билан таништириб ўтди.
Киванч Татлитуғ: актёр суратга тушиши учун шахсий карвони билан келиши керак
Бутун дунё сингари Туркия ҳам коронавирусга дучор бўлганида, Киванч Татлитуғ арзимас нарсаларга ҳам вақт сарфлади. Актёр нафақат ҳар куни COVID-19 тестларидан ўтди, балки у хавфсиз жойда эканига ишонч ҳосил қилиш учун 750 000 лирага (40 350 доллар) шахсий карвон сотиб олди. Гап шундаки, Киванч ҳеч кимни киритмаган шахсий карвонини ҳар куни зарарсизлантирган ва унда бўлиш хавфсиз эканига ишонч ҳосил қилган.
Фаҳрие Эвжен: макияжни фақат унинг ўзи қилади, чунки визажистларнинг унинг юзига тегишга ҳақи йўқ
«Чолиқуши» сериали юлдузи Фаҳрие Эвжен сериалда суратга тушиш давомида бир гуруҳ визажистларни ақлдан оздирди. Бунинг барчаси актрисанинг унга қилинган грими билан боғлиқ. Унга бирор нарса ёқмаганида, икки соатлик меҳнатни юзидан ювиб ташлади ва ўзи бўянди. Унинг бу инжиқликлари суратга олиш жараёнини доимий равишда секинлаштирди ва барча актёрларни уни бир неча соат кутишга мажбур қилди.
Марям Узерли: югуриш йўлакчасисиз суратга тушмади
«Муҳташам юз йил» юлдузи суратга тушиш жараёнида фойдаланиш учун югуриш йўлакчасисиз ишлашни истамади. Мухлисларнинг эътиборининг ортиши туфайли у спорт залига боролмади, шунинг учун у тўғридан-тўғри суратга олиш майдончасида спорт билан шуғулланган. Албатта, Марямнинг машғулотлари тугагунча ҳамма уни кутишга мажбур бўлди. Афсуски, бу нафақат актёрларни, балки лойиҳа продюсерлари ва режиссёрларини ҳам жуда ғазаблантирди.
Бурак Ўзчивит: Суратга олиш майдончасида жазавага тушди
Бурак Ўзчивит атрофдагиларни ўзига нисбатан муносиб ҳурмат ва эҳтиром билан муносабатда бўлишини яхши кўради. Актёрнинг талабларини бажармаганларнинг ҳолига вой. Бу «Тирилиш. Усмон» сериалининг суратга олиш майдончасида содир бўлди. Бурак кайфияти йўқлигидан бор ғазабини жамоага сочди. Натижада у ҳаммани ҳақорат қилди ва суратга тушишни рад этди. Сўнгра актёрни судга беришди, лекин шон-шуҳрат ва пул ўз ишини қилди, шунинг учун даъво жавобсиз қолди.
Мелисса Асли Памук: «Қарама, гапирма, ҳеч нарса таклиф қилма»
«Севги изтироби» сериалининг юлдузи Мелисса Памук умуман барча инжиқ ҳамкасбларидан ўзиб кетди. Суратга олиш гуруҳи аъзолари унинг чидаб бўлмас табиати ва талаблари ҳақида олдиндан огоҳлантирилган. Гап шундаки, Мелисса унга қараган ёки гапирган одамни ёмон кўради. Бу актриса учун жуда ғалати. Бир куни ходимлардан бири қоидани унутиб, унга бир стакан сув таклиф қилганда, у суратга тушишни тўхтатди ва ишлашдан бош тортди.
Жан Яман: кайфияти ёмон бўлса, суратга тушмайди
«Эркин қуш» сериалини суратга олиш жараёнида жамоанинг барча аъзолари Жан Яманнинг кайфиятини бузишдан чин дилдан қўрқди. Агар бу содир бўлса, унда иш жараёни бузилади. Актёр суратга тушишдан қатъиян бош тортади. Энг даҳшатлиси, унинг сериалдаги партнёри Демет Ўздемир билан жанжаллашишгани эди. Агар бу иккиси жанжаллашса, унда ҳамма нарса, яъни бир кунлик суратга олиш ишлари шунчаки тўхтатилар эди.
Изоҳ (0)