Сурхондарё вилояти Бойсун туманида ЙПХ инспектори фуқаро томонидан калтаклангани ҳақида хабар тарқалди. Вилоят ИИБ ЙҲХБ матбуот хизмати буни тасдиқлади.
Малум бўлишича, 15 октябрь куни соат 11:50 ларда Бойсун тумани «Тузбозор» маҳалласи ҳудудида хизмат олиб бораётган инспектор назорат тариқасида М.А. бошқарувидаги Nexia’ни тўхтатиб, ҳайдовчининг шахсини планшет орқали текширганда у қидирувда эканлиги аниқланган.
ЙПХ инспектори фуқаро у билан туман ИИБга бориши кераклигини айтганида ҳайдовчи унинг қонуний талабга бўйсунмай, фаол қаршилик кўрсатган ва инспекторни уриб, тан жароҳати етказган.
Инспекторнинг қўлидан ўзига тегишли ҳужжатларини олиб воқеа жойидан кетишга урунган вақтида шу яқин атрофда хизматга жалб этилган ИИО ходимлари етиб келиб, фуқаро Бойсун тумани ИИБга олиб борилган.
Суд тиббий экспертизасининг 16 октябрдаги дастлабги маълумотномасига кўра инспекторда енгил тан жароҳати мавжудлиги кўрсатилиб, ҳолат юзасидан Бойсун тумани прокуратураси томонидан фуқаро М.А.га нисбатан Жиноят кодексининг 219-моддаси 1-қисми билан жиноят иши қўзғатиган.
Айни пайтда тергов ҳаракатлари олиб борилмоқда.
Мавзуга доир:
Изоҳ (0)