Space Х ва Tesla асосчиси, миллиардер Илон Маск Tesla’нинг учинчи чоракдаги даромадлари тақдимотида сўзга чиқиб, Tesla капиталлашуви Apple ва Саудия Арабистони миллий нефть компаниясининг (Aramco) капиталлашувидан ошиб кетиши мумкинлиги ҳақида фикр билдирди. Бу ҳақда «ТАСС» хабар бермоқда.
Биз Apple компаниясининг жорий бозор қийматидан сезиларли даражада ошиб кетишимиз мумкинлигига ишонаман. Аслида мен Tesla учун Apple ва Saudi Aramco иккаласидан ҳам қимматроқ бўлиши мумкин бўлган йўлни кўрмоқдаман, — дея Маскнинг сўзларини келтиради CNBC телеканали.
Бироқ миллиардер буни осонлик билан эришиладиган мақсад деб ҳисобламаслигини таъкидлаган.
Bloomberg маълумотларига кўра, 19 октябрь ҳолатига кўра, Tesla капиталлашуви 695,7 миллиард долларга, Apple 2,3 триллион долларга, Saudi Aramco 2,09 триллион долларга (7,8 триллион Саудия рияли) баҳоланган.
Аввалроқ Илон Маск Россия ва АҚШ бир-бирини ярим соат ичида йўқ қила олишини айтганди.
Изоҳ (0)