«Ливерпуль» ва Португалия терма жамоаси вингери Диогу Жота жароҳати сабаб ЖЧ—2022 да иштирок этмайди.
Бу ҳақида мерсисайдликлар бош мураббийи Юрген Клопп маълум қилди.
25 ёшли футболчи АПЛнинг 11-туридан ўрин олган «Манчестер Сити»га қарши баҳсда (1:0) жароҳат олди ва майдондан замбил билан олиб ҳcиқиб кетилди.
Клоппнинг таъкидлашича, Жотанинг «болдир мушаклари билан жиддий муаммолари бор», Вингер жарроҳлик амалиётига муҳтож эмас.
«Дастлабки ташхис жуда аниқ эди. Биз учун жуда қайғули хабар. Ўйинчиларнинг соғлиги ҳақида қайғуришимиз керак ва биз доимо шундай қиламиз», — дейди Клопп.
Эслатиб ўтамиз, Жота жароҳати сабабли мавсум бошини ҳам ўтказиб юборган эди. 2022/23 йилги мавсумда илк бор 3 сентябрь куни АПЛнинг 6-туридан ўрин олган «Эвертон»га қарши баҳсда майдонга тушганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)