Совет мультфильмлари ҳар қандай ёшда ҳам мириқиб кўриш мумкин бўлган классикадир. Кўз ёш тўкмасликнинг эса шунчаки иложи йўқ, деб ёзади People Talk.
«Қўлқоп» (1967)
Ушбу мультфильмда сўзсиз ҳам барча нарсани аниқ тушуниш мумкин. Бу мультфильм қизил жун қўлқопни ўзи орзу қилган ақлли, қувноқ кучукчага айлантирган қиз ҳақда ҳикоя қилади.
«Пингвинлар» (1968)
Узоқ Антарктидага жўжалари очиб чиқиши учун келган пингвинлар билан боғлиқ ажойиб воқеа. Айниқса, бош қаҳрамон — Пин Гвин барчанинг ёдида қолган.
«Ҳайвонот боғидаги пони» (1974)
Ушбу мультфильм болаларни ҳайвонот боғида сайрга олиб чиққан, лекин ўзи парадда қатнашишни орзу қилган кичкина пони ҳақида. Аммо у кейинчалик нафақат болаларга, балки катталарга ҳам шодлик улашаётганидан хурсанд бўлади.
«Тумандаги типратикан» (1975)
Кечқурун юлдузларни санаш учун айиқникига борган типратикан ҳақидаги Юрий Норштейннинг ажойиб мультфильми. Улар тўнка устида ўтириб, бир чашка чой устида юлдузли осмонга қаради — юлдузлар том устида, мўридан кўриниб турар эди.
«Ноодатий дўст» (1975)
«Нега ҳеч ким каркидонлар билан дўст бўлишни хоҳламайди?» — мактаб ўқувчиси Лешанинг Носик исмли каркидон билан мустаҳкам дўстлиги ҳеч кимни бефарқ қолдирмайди. Абадий қадриятлар ҳақида илиқ ва самимий мультфильм.
«Ҳаворанг кучукча» (1976)
Венгрия ёзувчиси Д.Урбаннинг кўк кучукчанинг саргузаштлари ҳақидаги эртагига асосланган мультфильм. Инсонни ташқи кўринишига эмас, балки ҳаракатларига қараб баҳоланг.
«Худди шундай» (1976)
«Ва худди шундай ...» Бу мультфильм фидойилик ва шартсиз севги ҳақида бўлиб, воқеаларнинг соддалиги билан ҳам томоша қилишга арзийди.
«Ваъда» (1978)
Кичкина бола кимсасиз боғда ёлғиз ўзи қолиб кетади — у аслида ваъда берган ва уни бажаришдан бошқа иложи йўқ. Ушбу мультфильм одамларнинг қанчадан қанча берган ваъдасини ёдига тушириши мумкин.
«Мамонтчанинг онаси» (1981)
Онасини йўқотган мамонтча қўшиғини эшитибоқ, кўз ёш тўкмасликнинг иложи йўқ. Бош қаҳрамон уни қидириб, қутб айиғи ва моржни учратади, сўнгра узоқ саёҳатга — гўёки онаси уни кутаётган муз қатламига йўл олади.
«Қизалоқ ва қуёнчалар» (1985)
Аёзли кунда қолган иккита қуёнга ёрдамга келган қиз ҳақидаги ҳикоя. Албатта, қизалоқнинг меҳрибонлиги ҳар қандай инсон туйғуларини жунбишга келтиради.
Изоҳ (0)