Ҳарли стритлик косметик жарроҳ Жулиан Де Сильва олтин нисбат бўйича жисмоний мукаммалликни ўлчаш учун энг сўнгги компьютер хариталаш усулларидан фойдаланган ҳолда рўйхат ишлаб чиқди. Олтин нисбат биринчи марта юнонлар томонидан ишлаб чиқилган математик формуладир. Бу нисбат юзнинг жозибадорлигини ўлчаш учун ҳам ишлатилади. Ташқи кўринишга келсак, формула юзнинг Пҳи га нисбати 1,618 га қанчалик яқин бўлса, у кўпчиликнинг идрокида шунчалик жозибали бўлади, деган фикрга асосланади.
Хо Ён Жун
Жанубий кореялик модель ва актриса илмий ёндашув асосида замонамизнинг энг гўзал аёллари рўйхатида ўнинчи ўринни эгаллади. Унинг ташқи кўриниши олтин нисбат мезонларига 89,63% мос келади. Илгари Кореянинг топ-моделлари рўйхатида иккинчи ўринни эгаллаган супермодель «Калмар ўйини» телесериалида рол ўйнагач, жаҳон миқёсида шуҳрат қозонди. Хо Ён Жун иккинчи пландаги энг яхши актриса учун Primetime Emmy номинациясига сазовор бўлди.
Дипика Падуконе
Болливуд соҳибжамоли 91,22% олтин нисбати билан дунёдаги энг гўзал аёллар рўйхатида тўққизинчи ўринни эгаллади. Ушбу актриса бутун рўйхатдаги энг мукаммал қош йўналишига эга. Падуконе ўзининг халқаро дебютини 2017 йилда Вин Дизель иштирокидаги «ХХХ: Ксандер Кейжнинг қайтиши» фильмида қилган. Ўшандан бери у Скарлетт Йоханссон ва Дуна Пе билан бирга Vogue журналининг муқоваси учун суратга тушишга муваффақ бўлди.
Ким Кардашьян
Ижтимоий тармоқларни забт этган ва юз миллионлаб обуначиларга эга 41 ёшли реалити-шоу юлдузи 91,28 фоизлик олтин нисбат билан саккизинчи ўринни эгаллади. Кардашьян дунёдаги энг жозибали аёллардан бири ҳисобланади.
Жордан Данн
Британиялик супермодель 2007 йил бошида ўзининг дебютини халқаро подиумда амалга оширди, у Maрк Жакобс ва Поло Ралф Лаурен билан бирга ишлади ва 2008 йилнинг февралида у сўнгги ўн йилликнинг Prada подиумини босиб ўтган биринчи қора танли моделга айланди. Данн энг кўп маош оладиган моделлардан бири. У Vogue, W, Elle ва i-D каби энг машҳур журналларнинг муқоваларида кўриниш беради. Унинг ташқи кўриниши олтин нисбатга 91,39% тўғри келади.
Тэйлор Свифт
Тэйлор Свифт сўнгги ўн йил ичида кўнгилочар индустрияда ҳукмронлик қилиб, кўплаб мукофотларни қўлга киритди. 11 карра «Гремми» ғолиби энг жозибали аёллар рўйхати етакчиларидан қолишмайди. Унинг олтин нисбати 91,64 фоизни ташкил қилиб, олтинчи ўринни эгаллади.
Ариана Гранде
Ариана Гранде дунёдаги энг кўп кўрилган ва у ҳақида гапирилган машҳурлардан биридир. Эстрада хонандасининг услуби ҳаёти ва фаолияти билан бирга ривожланиб, аста-секин етук ва бетакрор имиж сари ўтди. Гранде 91,81% олтин нисбати билан энг аниқ юз хусусиятларидан бирига эга эканлиги кузатилди ва у жозибали аёллар рўйхатида бешинчи ўринга муносиб топилди.
Бейонсе
Бейонсе энг жозибали аёллар рўйхатида тўртинчи ўринни эгаллади ва бунинг сабабини тушуниш осон. Поп юлдузи юз шакли (99,6%), шунингдек, кўзлари, қош ва лаблари учун энг юқори балл олди. 1990 йиллар ва Destiny’s Child давридан бери машҳурлиги ортиб бораётган қўшиқчининг умумий юз симметрияси 92,44% га баҳоланган.
Белла Ҳадид
Учинчи ўринда Белла Ҳадид жой олди. Дастлаб қиз «Беверли-Хиллзнинг ҳақиқий уй бекалари»да иштирок этиб, омма эътиборига тушди, аммо тезда подиум модели сифатида танилди. Белла тезда машҳурликка эришди ва ижтимоий тармоқларда катта мухлисларга эга бўлди. Унинг юз симметрияси 94,35% га тенг.
Зендая
26 ёшли юлдуз 94,37% олтин нисбат билан иккинчи ўринни эгаллади. Зендая, тадқиқотга кўра, энг чиройли лаб ва пешонага эга. 2022 йилда дунёдаги энг нуфузли 100 кишидан бири деб топилган америкалик актриса ва қўшиқчи кўпчилик томонидан бутун дунё бўйлаб кўплаб мухлисларга эга услуб тимсоли ҳисобланади.
Жоди Комер
Рўйхатда 29 ёшли «Евани ўлдириш» фильми юлдузи биринчи ўринни эгаллади. Унинг юзи гўзалликнинг олтин нисбатига 94,52% тўғри келади — унинг кўзлари, қошлари, бурни, лаблари, ияги, жағи ва юзи қадимги юнонларнинг мутаносиб хусусиятлар тушунчасига имкон қадар яқин эканлиги аниқланган. Комер биринчи марта «Евани ўлдириш» фильмидаги Вилланел роли билан халқаро шуҳрат қозонди, бунинг учун у бир қанча мақтовларга сазовор бўлди. Бунинг ортидан «Сўнгги дуэл» ва бошқа фильмларда ҳам роллар ижро этди.
Изоҳ (0)