Қамчиқ довонида Isuzu юк машинаси жарликка тушиб кетди. Бу ҳақда ФВВ матбуот хизмати хабар берди.
16 октябрь куни соат 21:09 да «Қамчиқ» Махсус қидирув, ёнғин-қутқарув бошқармаси навбатчи-диспетчерига келиб тушган маълумотга кўра, А-373 Тошкент—Ўш автомобиль йўлининг 223 километрида Водий—Тошкент йўналишида ҳаракатланган, Isuzu юк машинаси ҳайдовчиси бошқарувни йўқотиб, йўл ўртасидаги темир тўсиққа урилиши оқибатида йўлнинг қарама-қарши йўналиши орқали пастки жарликка тушиб кетган.
Воқеа жойига ФВВнинг «Қамчиқ» Махсус қидирув, ёнғин-қутқарув бошқармасининг қутқарувчилари зудлик билан етиб бориб, жарликка тушган юк машинасини махсус техникалар ёрдамида чиқариб олган.
Ҳодиса оқибатида тан жароҳати олган Isuzu ҳайдовчисига биринчи тиббий ёрдам кўрсатилиб, Ангрен марказий шифохонасига юборилган.
Мавзуга доир:
Изоҳ (0)