Қашқадарёда Nexia уриб юбориши оқибатида Damas бошқа Nexia билан тўқнашди

Қашқадарёда Damas ва иккита Nexia иштирокида ЙТҲ юз берди. Бу ҳақда вилоят ИИБ матбуот хизмати хабар қилди.

Қайд этилишича, 16 октябрь куни соат тахминан 21:15 ларда ҳайдовчи Р.Ў. Damas’ни А-380 Ғузор—Бухоро—Нукус—Бейнау автомобиль йўли Ғузор—Қарши йўналишининг 9 километрига келиб, орқага қайрилиб олиш белгиланмаган жойдан автомобили билан тўсатдан орқага қайрилганда, Ғузор тумани ИИБ ходими Х.Б. хизматдан ташқари, ҳушёр ҳолдатда бошқарувида бўлган Nexia-3 билан ҳаракатланиб келиб, ўзидан олдинда ҳаракатланиб бораётган Damas орқа томонидан уриб юборган.

Натижада Damas ҳайдовчиси Р.Ў. бошқарувни йўқотиб йўлнинг қарама-қарши йўналишига чиқиб кетиб, ўзини йўналишидан ҳаракатланиб келаётган ҳайдовчи Й.Қ. бошқарувида бўлган Nexia-1 билан тўқнашган.

ЙТҲ оқибатида Damas’да йўловчи сифатида кетаётган фуқаро Т.С. шифохонага олиб борилиб, стоционар тиббий кўрикдан ўтказилган.

Ҳозирда мазкур ҳолат юзасидан Ғузор тумани прокуратураси томонидан терговга қадар текширув ўтказилмоқда.

Мавзуга доир:

• Андижонда Lacetti йўлда қайрилиб олаётган тракторга бориб урилди
• Наманганда Lacetti «Москвич» ва Spark’га бориб урилди
• Самарқандда Matiz катта тезликда «ЗИЛ»га бориб урилди. Ҳайдовчи вафот этган