Нукусдаги шахмат мусобақаси ғолибларига майка ва футболка берилгани ҳақида хабар берилганди. Ҳолат ижтимоий тармоқларда кулги аралаш муҳокамаларни келтириб чиқаргач, совриндорларга қўшимча совғалар берилди. Бу ҳақда «Дарё» мухбири хабар берди.
Вазирлик ахборот хизмати раҳбарининг «Дарё»га маълумот беришича, 12 октябрь куни Нукусдаги 38-мактабда «Ёшлик» жисмоний тарбия ва спорт жамияти Қорақалпоғистон бўлими ташаббуси билан шахмат бўйича Қорақалпоғистон Республикаси биринчилиги бўлиб ўтган.
Расмийларнинг қўшимча қилишича, футболка ва майкаларга муносиб кўрилган ғолибларга уларнинг ота-оналари билан учрашув ташкил этилиб, қўшимча тарзда электр печлар совға қилинган.
Қорақалпоғистон халқ таълими вазирлиги ахборот хизмати раҳбари Тахир Даулетмуратовнинг аниқлик киритишича, совғалар 36 нафар ўқувчи ва 6 нафар ўқитувчига берилган. Барча маблағ вазирлик ҳисобидан амалга оширилган.
Изоҳ (1)
Hayt o‘tganidan keyin Hinani..... qo‘y deyishgan dono xalqimiz