Ўзбекистонда 2022 йилнинг биринчи ярмида 1071 та мактабгача таълим ташкилоти аттестациядан ўтказилди. Бу ҳақда Таълим инспекцияси матбуот хизмати хабар берди.
Вазирлар Маҳкамасининг 2019 йил 7 июндаги «Давлат таълим муассасалари ҳамда нодавлат таълим ташкилотларини аттестациядан ва давлат аккредитациясидан ўтказиш тартибини такомиллаштириш тўғрисида»ги 470-сонли қарорига асосан мактабгача таълим ташкилотлари фаолияти ички ва ташқи баҳолашдан ўтказиб келинмоқда.
2022 йил режасига асосан январь–май ойларида жами 1071 та мактабгача таълим ташкилоти аттестация жараёнларига жалб қилиниб, туман аттестация комиссиялари томонидан ташқи баҳолашдан ўтказилди ва хулосалари Таълим инспекцияси ҳузуридаги аккредитация комиссиясига тақдим этилди.
Мавзуга доир: Ўзбекистондаги боғчалар сони беш йилда салкам 23 мингтага кўпайгани маълум қилинди
Изоҳ (0)