Буюк Британия мудофаа вазири Бен Уоллес Evening Standard нашрига берган интервьюсида Россия раҳбариятининг нопрофессионаллиги ва стратегик нотўғри ҳисоб-китоблари туфайли руслар Украинага қарши урушда мағлубиятга учраётганини айтди, деб ёзади Meduza.
Унинг сўзларига кўра, «Россия раҳбарияти ўзи яратган шов-шувларга ишониб қолган. Парадларда танклар колонналарини кузатиб, ўзини енгилмас деб ҳисоблаган».
«Супер кучлар кўплаб урушларда мағлуб бўлди: СССР Афғонистонда, АҚШ Вьетнамда. Катта давлатлар бир неча бор қўшнисидан ёки бошқа давлатдан мағлубиятга учрашга мажбур бўлган. Лекин асосийси шу. Путин (Россия) супер давлат эмаслигини эндигина англаб етди», — деди Уоллес Россиядек супер давлат урушда ютқазиши мумкинми деган саволга жавобан.
Изоҳ (0)