Украина уруш бошидан бери энг йирик ракета ҳужумларини бошдан кечирди — Россия «Қрим кўпригининг портлатиб юборилишига жавобан» Украина шаҳарларини ўққа тутди. Киев аҳолиси ҳам ҳужумдан яширинган: маҳаллий ҳокимият маълумотларига кўра, беш нафар киевлик ҳалок бўлган, камида 51 киши яраланган. Айни пайтда Донецк вилоятидаги Баҳмут ҳудудида тўпланган рус кучлари Украина ҳарбийлари назорати остидаги шаҳарга ҳужумни давом эттириб, уларни ўққа тутмоқда. Баҳмут, фронтдаги бошқа аҳоли пунктлари сингари, ойлар давомида сув ва электр энергиясисиз яшамоқда, унинг аҳолиси Россия ракеталари таҳдиди остида қолмоқда. Meduza урушнинг 230-кунига оид асосий фотосуратларни тақдим этди.
Россия ҳужумининг эртаси куни Киев
Киевликлар ҳаво тревогаси чалингандан сўнг метрода паноҳ топмоқда. 10 октябрь куни Украинанинг Киевдан Одессагача бўлган кўплаб шаҳарлари рус қўшинлари томонидан оммавий ўққа тутилди. 11 октябрь куни бутун мамлакат бўйлаб яна ҳаво ҳужуми ҳақида огоҳлантириш янгради, аммо Киевга зарбалар берилмади.Фото: Reuters
Киевда снарядлар туфайли вайрон бўлган пиёдалар йўлаги ва ундаги граффитилар.Фото: Anadolu
Тарас Шевченко номидаги университет. Бино 10 октябрь кунги отишма пайтида шикастланган.Фото: Getty Images
ДХРдаги рус артиллерияси
Ҳарбий снарядларга ёзиб чиқмоқда.Фото: Anadolu
«Гиацинт-Б» гаубицасидан ўт очилди.Фото: AP Photo
Донецк вилоятидаги (ўзини ўзи республика деб эълон қилган ДХР ҳудудида) позициясида украиналик аскар «Гиацинт-Б» катта калибрли гаубицаси учун ишлатилган артиллерия снарядини кўтариб келмоқда. Қурол Россия армиясидан ўлжа сифатида олинган.Фото: AP Photo
Украиналик ҳарбий «Гиацинт-Б» тўпи учун ишлатиладиган артиллерия снарядларининг устини ёпмоқда.Фото: AP Photo
Фронтолдидаги шаҳар Баҳмутдаги ҳаёт
Баҳмутлик киши танкка қарши тўсиқлар ёнидан ўтмоқда. Россия қуролли кучларининг ҳужумларига қарамай, шаҳар Украина назорати остида турибди.Фото: AFP
Баҳмут марказида отишмалардан вайрон бўлган бино.Фото: AFP
Баҳмут шаҳрида яшовчи Юрий уйга кетишга тайёрланмоқда. Шаҳарда у боғида етиштирган сабзавотларни ва сут сотар эди.Фото: AFP
Баҳмутлик киши жанговор ҳаракатлар вақтида бузилган кўприк устидан ўтмоқда.Фото: AFP
Изоҳ (0)