Фарғона вилоятида сифати кафолатланмаган тиббиёт воситаларини ноқонуний олиб кирилишининг олди олинди. Бу ҳақда вилоят божхона бошқармаси хабар берди.
Божхона бошқармаси контрабандага қарши курашиш бўлими ходимлари вилоят ДХХ ходимлари билан ҳамкорликда ўтказилган «ЯМА» тезкор тадбири давомида фуқаро А.С.га тегишли бўлган, Фарғона шаҳрида жойлашган нотурар жой белгиланган тартибда холислар иштирокида кўздан кечирилган.
Натижада хонадонда хорижда ишлаб чиқарилган ҳамда божхона расмийлаштирувидан ўтганини тасдиқловчи ҳужжатлари бўлмаган, умумий қиймати 113 миллион сўмлик 6 турдаги жами 33 минг донадан зиёд сифати кафолатланмаган дори воситалари борлиги аниқланди.
Мазкур ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)