Фарғонада қарийб 516 миллион сўмлик уяли телефонларнинг ноқонуний олиб кирилишига чек қўйилди. Бу ҳақда «Дарё»га вилоят божхона бошқармаси ахборот хизмати маълум қилди.
Қайд этилишича, вилоят божхона бошқармаси контрабандага қарши курашиш бўлими ходимлари томонидан тезкор тадбир ўтказилган. Тезкор тадбир давомида фуқаро Т.Ш. бошқарувидаги Mercedes-Benz русумли автотранспорт воситаси Фарғона тумани ҳудудида холислар иштирокида кўздан кечирилган.
Натижада мазкур автомашина ўриндиғи ортига яширилган ноқонуний олиб кирилган ҳамда божхона расмийлаштирувидан ўтганини тасдиқловчи ҳужжатлари бўлмаган, умумий қиймати 515,6 миллион сўмлик 204 дона уяли алоқа воситалари борлиги аниқланган.
Мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
Изоҳ (0)