«Дарё» UzAuto Motors акцияларини фонд бозорига қайси компания олиб кираётганлигига аниқлик киритади.
UzAuto Motors ўз IPO’сини 2022 йил охиригача ўтказади. Бу — Ўзбекистон аҳолиси илк бора МДҲдаги энг йирик автомобиль ишлаб чиқарувчи корхонанинг эгасига айланиши мумкинлигини англатади.
Андеррайтерлар кимлар ва улар нима ичун муҳим ҳисобланади?
Аввалроқ «Дарё» IPO нима экани ва у Ўзбекистон аҳолисига қандай имкониятларни тақдим этиши ҳақида тушунтириб берган эди. Қисқача айтганда, бу оддий аҳоли компания акцияларини сотиб олишлари мумкин бўлган жараёндир.
Барча жараёнлар билан андеррайтер деб аталадиган компания шуғулланади. Кўпинча, йирик битимлар учун андеррайтерлар гуруҳи жалб қилинади. Андеррайтер акция нархини белгилашга ёрдам беради, қимматбаҳо қоғозлар чиқарилишини бошқаради, зарур ҳужжатларни тайёрлайди, бўлажак харидорлар учун ахборот кампаниясини ўтказади, акцияларни хариди бўйича юборилган аризаларни тўплайди.
Бундай компаниялар жуда муҳим, чунки жараённинг қандай ташкил этилиши айнан уларга боғлиқ.
Агар сиз IPO’га чиқаётган компаниянинг акцияларини сотиб олишга қарор қилган бўлсангиз, у ҳолда андеррайтерга мурожаат қилишингиз мумкин: у сиз учун брокерлик ҳисобини очади ва сизга мутахассис маслаҳатини беради.
UzAuto Motors’нинг IPO’си билан ким шуғулланади?
UzAuto Motors ўз андеррайтерини тендер орқали танлади, ва унда Freedom Broker бошчилигидаги гуруҳ ғолиб бўлди. Андеррайтер 12 мамлакатда фаолият юритувчи Freedom Holding Corp. халқаро гуруҳи таркибига киради:
Freedom Holding Corp. мижозларга АҚШ, Европа ва Осиё йирик фонд биржаларида қимматли қоғозларни сотиб олиш учун тўғридан-тўғри кириш имкониятини тақдим этади. Холдинг турли мамлакатларда қуйидаги йирик корхоналарни фонд бозорига олиб чиққан:
- Евросиё тараққиёт банки, Қозоғистон фонд биржасида 50 миллиард тенге (120 миллион доллар) жалб қилинган;
- «Самрук-Қазина» АЖ, Москва биржасида 740 миллион рубль (10 миллион доллар) жалб қилинган;
- «Казатомпром» НАК Astana International Exchange’да 491,5 млн тенге (1,1 млн доллар) жалб қилинган.
Freedom Broker Ўзбекистонда муваффақиятли тажрибага эга
Компаниянинг Ўзбекистондаги илк офиси 2018 йилда очилган. Айни вақтда компаниянинг Нукус, Бухоро, Навоий, Самарқанд, Қарши, Андижон ва Фарғона шаҳарларида офислари мавжуд.
2018 йилда компания Ўзбекистон тарихида биринчи SPO ўтказди – ўшанда оддий аҳоли биринчи марта Қўқон механика заводи акцияларини сотиб олиш имконига эга бўлди. Freedom Broker унинг олдига қўйилган вазифани аъло даражада бажарди – 2800 киши компания акцияларининг янги эгаларига айланди, заводнинг ўзи эса салкам 3 миллиард сўм маблағни жалб қила олди. Талаб таклифдан 26 фоизга ошди.
«Кварц» ОЖ даги SPO ҳам бундан муваффақият даражасида ортда қолмади, унинг давомида Freedom Broker акцияларга бўлган талабни 101,4 фоиз ҳажмда таъминлади.
Freedom Broker фонд бозорларининг турли воситаларидан фойдаланади. Шундай қилиб, компания ўтган йили йирик ишлаб чиқарувчи FDG қурувчи корхонанинг корпоратив облигацияларини «Тошкент» фонд биржасига жойлаштириш билан шуғулланган эди.
Облигация - қарз тилхатининг муқобилидир. Ушбу қимматли қоғознинг харидори, аслида, облигацияни чиқарган компанияга уни маълум вақтдан кейин фоизлари билан қайтариб олиш учун қарз беради.
Freedom Broker компанияси лойиҳалари нафақат маҳаллий, балки хорижий инвесторларни ҳам жалб қилади. Шундай қилиб, «Ўзметкомбинат» облигацияларига бўлган талаб таклифдан 9,5 баробарга ортган, аризаларнинг 42,22 фоизи хорижликлар томонидан берилган.
Ҳозирда Freedom Broker жуда юқори даромадлиликка эга Humans имтиёзли акцияларини жойлаштириш билан шуғулланмоқда. Мутахассислар ушбу компаниянинг акциялари 85 фоизга ошиши мумкинлигини тахмин қилмоқда.
Ҳозирда Freedom Broker ўз муваффақиятини такрорлашга тайёрланмоқда – компания аризаларни тўплаш, ҳисоб рақамларини очиш ва UzAuto Motorsнинг эгалари бўлишга қарор қилган мижозларга ёрдам бериш билан машғул.
«Дарё» ўқувчилари UzAuto Motors акцияларини харид қилиш бўйича 1135 рақамига қўнғироқ қилиб маслаҳат олишлари мумкин.
Маълумотлар шериклик ҳуқуқи асосида тайёрланди
Изоҳ (0)