“Daryo” UzAuto Motors aksiyalarini fond bozoriga qaysi kompaniya olib kirayotganligiga aniqlik kiritadi.
UzAuto Motors o‘z IPO’sini 2022-yil oxirigacha o‘tkazadi. Bu — O‘zbekiston aholisi ilk bora MDHdagi eng yirik avtomobil ishlab chiqaruvchi korxonaning egasiga aylanishi mumkinligini anglatadi.
Anderrayterlar kimlar va ular nima ichun muhim hisoblanadi?
Avvalroq “Daryo” IPO nima ekani va u O‘zbekiston aholisiga qanday imkoniyatlarni taqdim etishi haqida tushuntirib bergan edi. Qisqacha aytganda, bu oddiy aholi kompaniya aksiyalarini sotib olishlari mumkin bo‘lgan jarayondir.
Barcha jarayonlar bilan anderrayter deb ataladigan kompaniya shug‘ullanadi. Ko‘pincha, yirik bitimlar uchun anderrayterlar guruhi jalb qilinadi. Anderrayter aksiya narxini belgilashga yordam beradi, qimmatbaho qog‘ozlar chiqarilishini boshqaradi, zarur hujjatlarni tayyorlaydi, bo‘lajak xaridorlar uchun axborot kampaniyasini o‘tkazadi, aksiyalarni xaridi bo‘yicha yuborilgan arizalarni to‘playdi.
Bunday kompaniyalar juda muhim, chunki jarayonning qanday tashkil etilishi aynan ularga bog‘liq.
Agar siz IPO’ga chiqayotgan kompaniyaning aksiyalarini sotib olishga qaror qilgan bo‘lsangiz, u holda anderrayterga murojaat qilishingiz mumkin: u siz uchun brokerlik hisobini ochadi va sizga mutaxassis maslahatini beradi.
UzAuto Motors’ning IPO’si bilan kim shug‘ullanadi?
UzAuto Motors o‘z anderrayterini tender orqali tanladi, va unda Freedom Broker boshchiligidagi guruh g‘olib bo‘ldi. Anderrayter 12 mamlakatda faoliyat yurituvchi Freedom Holding Corp. xalqaro guruhi tarkibiga kiradi:
Freedom Holding Corp. mijozlarga AQSH, Yevropa va Osiyo yirik fond birjalarida qimmatli qog‘ozlarni sotib olish uchun to‘g‘ridan to‘g‘ri kirish imkoniyatini taqdim etadi. Xolding turli mamlakatlarda quyidagi yirik korxonalarni fond bozoriga olib chiqqan:
- Yevrosiyo taraqqiyot banki, Qozog‘iston fond birjasida 50 milliard tenge (120 million dollar) jalb qilingan;
- “Samruk-Qazina” AJ, Moskva birjasida 740 million rubl (10 million dollar) jalb qilingan;
- “Kazatomprom” NAK Astana International Exchange’da 491,5 mln tenge (1,1 mln dollar) jalb qilingan.
Freedom Broker O‘zbekistonda muvaffaqiyatli tajribaga ega
Kompaniyaning O‘zbekistondagi ilk ofisi 2018-yilda ochilgan. Ayni vaqtda kompaniyaning Nukus, Buxoro, Navoiy, Samarqand, Qarshi, Andijon va Farg‘ona shaharlarida ofislari mavjud.
2018-yilda kompaniya O‘zbekiston tarixida birinchi SPO o‘tkazdi – o‘shanda oddiy aholi birinchi marta Qo‘qon mexanika zavodi aksiyalarini sotib olish imkoniga ega bo‘ldi. Freedom Broker uning oldiga qo‘yilgan vazifani a’lo darajada bajardi – 2800 kishi kompaniya aksiyalarining yangi egalariga aylandi, zavodning o‘zi esa salkam 3 milliard so‘m mablag‘ni jalb qila oldi. Talab taklifdan 26 foizga oshdi.
“Kvarts” OJ dagi SPO ham bundan muvaffaqiyat darajasida ortda qolmadi, uning davomida Freedom Broker aksiyalarga bo‘lgan talabni 101,4 foiz hajmda ta’minladi.
Freedom Broker fond bozorlarining turli vositalaridan foydalanadi. Shunday qilib, kompaniya o‘tgan yili yirik ishlab chiqaruvchi FDG quruvchi korxonaning korporativ obligatsiyalarini “Toshkent” fond birjasiga joylashtirish bilan shug‘ullangan edi.
Obligatsiya - qarz tilxatining muqobilidir. Ushbu qimmatli qog‘ozning xaridori, aslida, obligatsiyani chiqargan kompaniyaga uni ma’lum vaqtdan keyin foizlari bilan qaytarib olish uchun qarz beradi.
Freedom Broker kompaniyasi loyihalari nafaqat mahalliy, balki xorijiy investorlarni ham jalb qiladi. Shunday qilib, “O‘zmetkombinat” obligatsiyalariga bo‘lgan talab taklifdan 9,5 barobarga ortgan, arizalarning 42,22 foizi xorijliklar tomonidan berilgan.
Hozirda Freedom Broker juda yuqori daromadlilikka ega Humans imtiyozli aksiyalarini joylashtirish bilan shug‘ullanmoqda. Mutaxassislar ushbu kompaniyaning aksiyalari 85 foizga oshishi mumkinligini taxmin qilmoqda.
Hozirda Freedom Broker o‘z muvaffaqiyatini takrorlashga tayyorlanmoqda – kompaniya arizalarni to‘plash, hisob raqamlarini ochish va UzAuto Motorsning egalari bo‘lishga qaror qilgan mijozlarga yordam berish bilan mashg‘ul.
“Daryo” o‘quvchilari UzAuto Motors aksiyalarini xarid qilish bo‘yicha 1135 raqamiga qo‘ng‘iroq qilib maslahat olishlari mumkin.
Ma’lumotlar sheriklik huquqi asosida tayyorlandi
Izoh (0)