21—23 октябрда Hyatt Regency Tashkent меҳмонхонасида халқаро реклама конференцияси, ABC show, энг яхши реклама танлови ғолибларини тақдирлаш маросими, шунингдек, брендинг экспертларининг маҳорат сабоқлари ва биринчи TAF!OpenDay бўлиб ўтади.
Тошкент реклама фестивалининг ўзига хослиги шундаки, маркетинг ва рекламага қизиқувчи ёки профессионал даражада шуғулланувчи ҳар бир шахс ўзи учун фойда оладиган, мамлакатдаги ягона реклама байрамидир.
Шу сабаб фестивалда энг фаол брендлар, агентликлар, ҳамкорлар, экспертлар ва истеъмолчилар қатнашиши, конференцияда иштирок этиш учун машҳур хорижий спикерлар келиши ва маҳаллий экспертлар билан ўз амалий билимларини ўртоқлашишлари тасодиф эмас. Бундан ташқари, фақат фестиваль иштирокчиларигина жаҳоннинг энг яхши реклама ғоялари билан танишиш ва улардан руҳланиш, рангоранг реклама шоусини томоша қилиш имконига эга бўладилар.
Ушбу кенг кўламли воқеани Ўзбекистон Монополияга қариш курашиш қўмитаси ва Ўзбекистон маркетинг уюшмаси фестиваль ҳамкорларининг қўллаб-қувватлаши билан ташкил қилдилар.
Бу йил фестиваль Сингапур, БАА, Россия, Беларусь, Озарбайжон ва Қирғизистондан 12 нафар конференция спикерларини тўплади. Шунингдек, унда маҳаллий спикерлар, танлов эксперт ҳайъати аъзолари – энг йирик маҳаллий брендларнинг 63 нафар вакилини, TAF!22 энг яхши реклама танловида қатнашаётган 147 та бренд ва 56 та реклама агентлигини, очиқ овоз беришда иштирок этаётган ўн минглаб истеъмолчиларни, Ўзбекистон маркетинг уюшмасининг 120 дан зиёд ҳамкори ва 100 дан ортиқ экспертларини, бундан ташқари, фестивалнинг бош ғояси – «Тинчлик ҳар нарсадан устун» #TinchlikATFirst эканини, ҳеч нарсани бузмаслик, аксинча бунёд этиш – «Don’tdestroy. Create» лозимлигини қўллаб-қувватлаган ҳамкор компаниялар жам бўлдилар.
TAF!22 халқаро реклама конференцияси маърузачилари:
- Дмитрий Аполенис, «AIDA Pioneer Branding & Creative» креатив директори (Беларусь);
- Жоҳннй Жоҳанссон, Reseller Partner - Emerging Markets, Meta (Сингапур);
- Алена Владимирская, «Facancy» сервиси ва «Алена Владимирскаянинг карьера лабораторияси» ҳаммуассиси (Россия);
- Андрей Кожанов, OBM асосчиси (Россия);
- Мария Луценко, «Depot» брендинг агентлиги катта стратеги (Россия);
- Борис Омелниский, Yandex стратегик ривожланиш бўйича директори (Россия);
- Анна Закирова, «Kapitalbank» АТБ маркетинг бўйича директори (Ўзбекистон);
- Арсений Зяббаров, «FMT.JETLAG» асосчиси (БАА);
- Жаҳонгир Мадмусаев, «PR.uz» бош муҳаррири (Ўзбекистон);
- Дмитрий Музиченко, «E+ Awards» ривожланиш ва инновациялар бўйича директори (Россия);
- Орхан Керимов, «Cannes Lions International Festival of Creativity»да (Озарбайжон);
- Эркен Кагаров «Артемий Лебедев студияси»да арт-директор (Россия);
- Иван Чурилин, «ABC show» президенти (Россия).
Барча маърузачиларнинг чиқишлари ўзбек тилига синхрон таржима билан берилади. Фестивальда қатнаша олмайдиганларга қулай бўлиши учун энг қизиқарли ахборот «Makon Marketing» YouTube каналига жойланади.
Конференция доирасида жаҳоннинг энг яхши реклама постерларининг хайрия ким ошди савдоси ўтказилади, ундан тушган маблағ «Эзгу Амал» фондига ўтказилади.
Халқаро реклама конференцияси якунланиши билан, соат 18:00 да ноёб «ABC show» – жаҳоннинг энг яхши рекламалари коллекциясининг намойиши бўлади. Коллекция ҳар йили янгиланади, бу 45 та жаҳон реклама ва маркетинг фестивалларида совринга эга бўлган энг яхши видео-роликларнинг бир соатли намойишидир.
Ташкилотчилар – Ўзбекистон Монополияга қарши курашиш қўмитаси, Ўзбекистон маркетинг уюшмаси.
Бош ҳамкор – «Хонсарой» қурилиш компанияси.
Фестиваль тўғрисида батафсил маълумот: marketing.uz
TAF!22 конференциясига чипталар: iticket.uz
Маълумотлар шериклик ҳуқуқи асосида тайёрланди
Изоҳ (0)