Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Хонанда Ирода Искандарова саҳифасида марҳум санъаткор Даврон Ғойиповнинг хотирасига аталган пост қолдирди.
Жаҳонгир Позилжонов Адҳам Солиевнинг «Лайло» таронасини ижро этмоқда.
Актриса Зарина Йўлдошева автоҳалокатга учраганини маълум қилди. У мухлисларига аҳволи яхши эканини, фақат бу ҳолатдан жуда қўрқиб кетганини ва стресс бўлганини айтди.
Шунингдек актриса ундан ҳол-аҳвол сўраб, хабар олган мухлисларига миннатдорчилик билдирди.
Mittivine жамоаси вайнери Фарҳод Маннопов KIA автомобилига катта тезликдаги машина келиб урилгани ҳақида мухлисларига гапирди. Инстаблогер қаҳва олишга бориб келгунча шу ҳолат бўлганини, йўлда эҳтиёт бўлиш кераклигини ҳам таъкидлади.
Хонанда Райҳон Ғаниева янги сурати билан кўриниш берди ва мухлисларига йўлидан ҳеч қачон тўхтамаслиги ҳақида гапирди.
Туркиялик таниқли ошпаз Бурак Ўздемир Умра сафарини адо этди.
Раққоса Паризода саҳифасига тўй хизматларидаги фаолиятидан лавҳалар жойлади ва яна йиқилиб тушгани ҳақида гапирди.
Хонанда Лола Жиззахдан қовун сотиб олаётгани акс этган суратни саҳифасига жойлади.
Шунингдек, Лола ҳамкасби Ёрқинхўжа Умаров билан дуэт куйлаётганини маълум қилди.
Хонанда Дилфуза Исмоилова тўй хизматларига боргани акс этган видеони мухлислари билан бўлишди.
Турк актёри Мурат Йилдирим саҳифасига рафиқаси билан тушган суратини жойлади ва ота бўлганини маълум қилди. Шунингдек, у қизига Мирай деб исм қўйганини ва жуда бахтли эканини айтди.
Актриса, инстаблогер Нигина Жабборова 8 октябрь куни туғилган кунини нишонлади.
Хонанда Шаҳзода янги сурати билан кўриниш берди ва инсоннинг бахти юраги билан бир хил бўлиши ҳақида гапирди.
Салимбойваччанинг қизи Нилуфар Абдувалиева ресторан очишни ҳамда нотариусда ҳам фаолият юритишни орзу қилгани ҳақида гапириб берди.
Шоҳжаҳон Жўраев фоторадарга тушгани акс этган суратни саҳифасига жойлади.
«Уммон» гуруҳининг собиқ аъзоси Зоҳид Рисқиевнинг турмуш ўртоғи Камола Ортиқова хонанданинг аҳволи ҳақида маълумот берди.
«Менга келадиган бўлсак, мен яхшиман. Шифохонадан чиққанман, дадасини кутяпмиз. Ҳаммага дуо учун раҳмат. Яхши хабар бўлса айтаман, лекин ўша-ўша, ўзгариш йўқ. Ҳаммадан илтимос, дуо қилинглар. Ҳали ҳам кома ҳолатидалар», — дейди хонанданинг рафиқаси.
Шунингдек «Уммон» гуруҳининг яна бир аъзоси Шоҳрух ҳам Зоҳид Рисқиевнинг аҳволини сўраб ёзаётган мухлисларига, уни даволаётган шифокорларга миннатдорлик билдирди ва унинг аҳволи ҳали ҳам оғир эканини, комадан чиқмаганини айтди. Хонанда Жасур Рафиқовнининг аҳволи яхши экани ҳақида ҳам гапирган.
Актриса, дизайнер Шаҳзода Муҳаммедова Дубайда фотосессия уюштирди.
Мавзуга доир:
- Instagram: Маржона Мирзаалиевадан gender party, 5 миллионлик довонни забт этган Шаҳзода Муҳаммедова, мухлисасининг 16 йиллик орзусини ушалтирган Юлдуз.
- Instagram: Жаҳонгир Ортиқхўжаев неварали бўлди, Малика Равшанова хонадонида байрам, Манзуранинг ер остига саёҳати.
- Instagram: Умра сафарига кетган Феруза Жуманиёзова, россиялик рэпернинг Тошкентдаги концертида «томоша кўрсатган» мухлислар, Паризодадан ноодатий рақс
- Instagram: Муниса Ризаеванинг онасига совғаси, давоми суратга олинаётган «Осмондаги болалар», Зоҳид Рисқиев ўзига келдими?
Изоҳ (0)