Даврон Ғойипов узоқ йиллардан бери қандли диабет касаллиги билан курашарди. Бундан ташқари, 10 йил аввал унинг битта буйрагини ҳам олиб ташлашганди. Бу ҳақда «Дарё» мухбири билан суҳбатда марҳум хонанданинг шогирди Шуҳрат Ортиқов сўзлаб берди.
— Даврон ака узоқ йиллардан бери қандли диабет касаллиги билан курашарди. Бундан ташқари, 10 йил аввал битта буйрагини ҳам олиб ташлашганди. Унинг саломатлиги шу йилнинг февраль ойида бошлаб янада ёмонлашди. У ёмғирли кунда Сурхондарёдаги тадбирдан қайтаётганда жиддий автоҳалокатга учрагани сабаб бўлган.
Ўшанда машина «Қамчиқ» давонидан ағанаб, Даврон аканинг умуртқаси жиддий жароҳатланганди. Ёзнинг деярли ҳар кунини муолажа билан ўтказди.15 кундан бери Қаршидаги касалхонанинг жонлантириш бўлимида даволанаётганди. Унинг ўлимига буйрак етишмовчилиги ва қон босимининг кўтарилиши сабаб бўлди, — дейди марҳумнинг шогирди Шуҳрат Ортиқов.
61 ёшли Даврон Ғойипов 2022 йилнинг 7 октябрь куни ўз туғилган кунида вафот этди.
Изоҳ (1)
"Surxondaryodagi tadbirdan qaytayotganda “Qamchiq” davonidan" юрмайди. “Qamchiq” davoni водийнинг йулларида.