«ПСЖ» ҳужумчиси Лионель Месси Европа Чемпионлар Лигаси 3-тур доирасида «Бенфика»га қарши кечган баҳсда (1:1) гол уришга эришди.
Месси мусобақа доирасида 40-жамоа дарвозасини ишғол қилди ва бу борада ўз рекордини яхшилаб олди. Энг яқин таъқибчи Криштиану Роналду бўлиб, португалиялик 38 хил клуб дарвозасини ишғол қилган.
Лионель мусобақа доирасида жарима майдони ташқарисидан урилган голлари сонини 22 тага етказди ва бу борада Роналдунинг рекордини такрорлади.
Португалиялик голларининг 12 тасини жарима зарбасидан урган бўлса, 10 таси ўйиндан киритилган. Месси эса жарима зарбасидан 5 та, ўйиндан 17 та тўп киритган.
«ПСЖ» сафида қаторасига тўртта ўйинда гол урган Месси жорий мавсумдаги голлари сонини 8 тага етказиб олди. Шунингдек, унинг ҳисобида 8 та голли узатма ҳам бор.
Мавзуга доир:
Изоҳ (0)