Расман: Хаби Алонсо — «Байер» бош мураббийи

Собиқ футболчи Хаби Алонсо «Байер» бош мураббийига айланди.

Леверкузен клуби Жерардо Сеоанени истеъфога чиқарди. Мураббий 2021 йилдан буён жамоани бошқариб келаётганди.

Алонсо немис клуби билан 2024 йилга қадар мўлжалланган шартнома имзолади. Таништирув маросими 6 октябрь санасида бўлиб ўтади.

Испания терма жамоасининг собиқ футболчиси 2019 йилдан 2022 йилга қадар «Реал Сосьедад Б» жамоасини бошқарган. Ундан олдин эса «Реал» ёшлар жамоасида ҳам бир муддат ишлаган.

«Байер» Бундеслиганинг ортда қолган 8 туридан сўнг 5 очко билан 17-ўринни банд этиб турибди.