Бугун,

  • USD 11095.31
  • RUB 173.84
  • EUR 10772.44

Америка махсус хизматлари тахмин қилишича, россиялик файласуф Александ Дугиннинг қизи Дарянинг ўлдириб кетилиши Украина ҳукуматининг баъзи аъзолари билан келишилган. Бу ҳақда The New York Times АҚШ маъмуриятидаги манбаларига таяниб хабар бермоқда.

Фото: «NTV.ru»

Фото: «NTV.ru»

Нашр манбалари даъво қилишича, Вашингтон Даря Дугинага нисбатан қотилликни уюштиришда ҳеч қанақасига иштирок этмаган, шу жумладан, Киевга разведка маълумотларини тақдим этмаган. Устига-устак, АҚШ ҳукумати бу операция ҳақида олдиндан билмаган ҳам, агар билганида, унинг амалга оширилишига қарши чиққан бўларди, дея қўшимча қилди манбалар.

Жо Байден маъмуриятидагилар хавотир билдиришича, бундай ҳужумлар катта рамзий аҳамиятга эга бўлса-да, жанговар ҳаракатларга бевосита таъсир ўтказмайди ва Россия ҳарбийларини бунга жавобан юқори мансабли украин амалдорларига қарши суиқасдлар уюштиришга гиж-гижлаши мумкин, деб ёзади NYT.

Газета манбалари қайд этишича, Дугина ўлдириб кетилганидан кейин АҚШ ўз норозилигини Украина ҳукуматига етказган.

Киев Дугинанинг ўлимига алоқадорлигини бир неча марта рад этганди. Хусусан, бу ҳақда Зеленский ҳам гапирганди.

Украина президенти офиси раҳбари маслаҳатчиси Михаил Подоляк The New York Times билан суҳбат чоғида шундай деган эди: «Қайсидир мамлакатда уруш чоғида амалга оширилган ҳар қандай қотиллик маълум бир амалий аҳамиятга эга бўлиши керак. У тактик ёки стратегик бўлган муайян мақсадни амалга ошириши керак. Дугинларга ўхшаганлар Украина учун тактик ёки стратегик мақсад эмас. Бизнинг Украина ҳудудида бошқа нишонларимиз бор, мен Россия қўмондонлиги вакилларини ва хоинларни назарда тутяпман, улар бу йўналишда ишлайдиган махсус хизматларимиз ходимлари учун қийматга эга бўлиши мумкин, лекин бу аниқ Дугина эмас».

Даря Дугина 20 август куни Москва вилоятида автомобили портлаб кетиши оқибатида ҳалок бўлганди. ФХХ даъво қилишича, қотилликни Украина махсус хизматлари уюштирган, уни Украина фуқароси Наталя Вовк амалга оширган, тайёргарликда яна бир украиналик Богдан Сиганенко қатнашган.

Даря Дугина — ўз отаси, «рус дунёси» раҳнамоларидан бири Александр Дугиннинг издоши эди. У Россиянинг ҳукуматпараст ОАВларида шарҳловчи сифатида чиқиш қиларди. Дугина Украинага бостириб киришни қўллаб-қувватлаган ва уруш чоғида Россия томонидан эгалланган ҳудудларга борган.

Изоҳ
Асосий янгиликлар
Маҳаллий
Россия бош вазири Мишустин Ўзбекистонга келди (фото)
Дунё
«Дарё»кундалигида 1 декабрда содир бўлган энг муҳим воқеалар
Дунё
Эронда мамлакат терма жамоасининг ЖЧдаги мағлубиятини нишонлаган йигит отиб ўлдирилди