Credit Suisse Group инвестицион банкининг кредит таваккалчилик кўрсаткичи рекорд даражага кўтарилди. Бу ҳақда Bloomberg хабар бермоқда.
Банк акциялари йил бошидан бери 60 фоизга яқин ўз қийматини йўқотди. Бу Credit Suisse тарихидаги энг катта йиллик пасайиш.
Акциялар банкнинг бозорларни молиявий барқарорлигига ишонтиришга уринишлари тескари натижа берганидан кейин кескин пасая бошлади.
Бош ижрочи директор Улрих Коернер дам олиш кунларида ходимларни ва бозорларни тинчлантиришга ҳаракат қилди. Бироқ унинг эслатмаси тескари таъсир кўрсатди.
У банк капитали даражаси ва ликвидлиги ҳақида гапирар экан, компания оғир даврни бошдан кечираётганини тан олди.
Банкнинг кредитга лаёқатлилиги ҳақидаги тасаввурлар ёмонлаша бошлаган ва 5 йил ичида ўз облигациялари бўйича дефолт қилиш эҳтимоли тахминан 23 фоиз бўлиб турибди.
3 октябрь куни Credit Suisse банкининг бозор капиталлашуви тахминан 9,5 миллиард Швейцария франкигача тушиб кетган эди. Айни пайтда бу кўрсаткич 11,37 миллиард франк бўлиб турибди. Бозор қиймати 2021 йилнинг март ойида 30 миллиард франкдан ошган эди.
Ўтган ҳафта Credit Suisse октябрь ойи охирида эълон қилинадиган стратегик режасининг бир қисми сифатида мумкин бўлган активлар ва бизнесни сотиш устида ишлаётганини маълум қилди.
Bloomberg хабар беришича, банк ўзининг қимматли қоғозли маҳсулотлар савдо бўлинмасини сотиш бўйича келишувларни ўрганмоқда.
Изоҳ (0)